Монгол Улсад генерал цол бий болсны 81 жилийн ойг тохиолдуулан Дундговь нутгаа төлөөлөн УИХ-д суугаа УИХ-ын гишүүд болон Дундговь аймгийн нутгийн зөвлөл хамтран Дундговь нутгийнхаа генерал цолтнуудыг хүлээн авч хүндэтгэл үзүүллээ.

Тухайлбал Монгол Улсын Засгийн газрын гишүүн, Монгол Улсын сайд, "20 минутын хот" Үндэсний хорооны дарга Равжихын Эрдэнэбүрэн, УИХ-ын гишүүн, Дундговь аймгийн засаг даргаар ажиллаж байсан Цагаанхүүгийн Мөнхбат, Дундговь аймгийн нутгийн зөвлөлийн дарга Батбаярын Мөнхболор, нутгийн зөвлөлийн гүйцэтгэх захирал Бямбасүрэнгийн Түмэнжаргал нар Дундговь нутгаас төрөн гарсан Монгол төрийн 82 дахь генерал цолтон хошууч генерал Жамцын Содном, 147 дахь генерал хошууч генерал Бямбасүрэнгийн Баярмагнай, 201 дэх генерал Пэлжээгийн Одонбаатар нарыг хүлээн авч хүндэтгэл үзүүллээ.