УИХ-ын чуулганы /2025.04.03/-ны өдрийн хуралдаанаар Хүний эрх, эрх чөлөөг хангахтай холбоотой зарим хуульд нэмэлт, өөрчлөлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн П.Батчимэг:

Өнөөдөр чуулганы хуралдаанаар хүний эрх, эрх чөлөөг хангахтай холбоотой багц хуулийн төслийг танилцуулж хэлэлцүүлж буйд зарчим, үзэл баримтлалын хувьд бүрэн дэмжиж байна. Миний хувьд энэ Харилцаа холбооны тухай хуульд нэмэлт өөрчлөлт оруулах тухай хуулийн төсөл, Албаны нууцын тухай хуульд оруулах хуулийн төсөл дээр хэд хэдэн асуулт байна. Харилцаа холбооны салбар бол Монгол Улсыг дэлхийд таниулах, хөгжлийн стратегийн хувьд маш чухал салбар гэж тооцогддог. Энэ утгаараа тус салбарын үйл ажиллагааг зохицуулах байгууллага нь ХХЗХ. Энэ зохицуулах хорооны бие даасан болон мэргэжлийн, хараат бус байх байдлыг бэхжүүлэх асуудал маш тулгамдсан асуудал болсон. Энэ оруулж ирж буй хуулийн төсөлд олон нийтээс, ялангуяа мэргэжлийн тусгай зөвшөөрөлтэй үйл ажиллагаа явуулж байгаа эрхлэгч нар, салбарын мэргэжлийн холбоодоос ямар саналуудыг авсан юм бол.

Хуулийн төсөлд зохицуулах хорооны бүрэлдэхүүнд ЗГХЭГ, Цахим хөгжил, харилцаа холбооны яам, ХАҮТ бизнесийн байгууллага, иргэний нийгмийн байгууллагын төлөөлөл байхаар тусгажээ. Тэгэхээр энэ ямар үндэслэл судалгаагаар энэ байгууллагын бүрэлдэхүүнд бизнесийн танхим, дурын нэг иргэний нийгмийн байгууллагын төлөөллийг багтааж байгаа юм бол? Төрийн болон албаны нууцын тухай хууль өмнө ньМонгол Улсын Үндсэн хуулиар нууцад хамаарахгүй асуудлаар мэдээлэл хайх, хүлээн авах эрхтэй гээд хуулиар тогтоож хамгаалчихсан байсан. 1995 онд анх УИХ-аас Төрийн нууцын тухай хуулийг баталж, төрийн нууцад хамааруулах зүйлсийн жагсаалт гэдгийг хуулиар батална гэж зохицуулсан байгаа юм. 2004 онд Төрийн нууцын жагсаалт батлах тухай хуулиар төрийн нууцад хамаарах мэдээллийг жинхэнэ утгаар нь хуульчилж тогтоож ирсэн ийм түүх байна.

2016 онд УИХ-аас дээрх энэ 2 хуулийг хүчингүй болгоод одоогийн энэ Төрийн болон Албаны нууцын тухай гэсэн нэршилтэй хуулийг баталжээ. Энэ хуулиар албаны нууц гэсэн ийм нэршлийг бий болгоод энд ямар мэдээллийг хамруулах эсэхээ төрийн бүх байгууллага, төрийн байгууллагын дарга нар, чиглэлийн ЗГ-ын гишүүн сайд нар баталдаг болчихсон. Өнөөдөр 1043 албаны нууцад хамаарах мэдээлэл байна гэдэг нь асар их том тоо. Үүнийг хамрах хүрээ нь гажуудсаны нотолгоо гэж та үзэж байгаа юу? Үүнийг энэ хуулийн нэмэлт өөрчлөлтөөр засаж сайжруулах, ахисан түвшинд сайн гарц, шийдэл олсон уу.

Түүний асуултад УИХ-ын гишүүн, ХЗДХ-ийн сайд О.Алтангэрэл хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn