Цахим мөрийтэй тоглоомд мөнгөө алдсан нь хувь хүний өөрийн сонголт гээд хаяж болно. Гэсэн хэдий ч үүнээс болж ямар их хор хөнөөл тухайн иргэнд, цаашлаад гэр бүлд нь учирч буйг тааварлашгүй. 

Тухайлбал,

Цахим мөрийтэй, бооцоот тоглоомд хэт их мөнгө алдсанаас болж өр зээл, санхүүгийн хямралд орж, цахим мөрийтэй, бооцоот тоглоомд донтогчид ихэсч хууль бусаар мөнгө олох, луйвар, хулгай, залилан хийх явдал ихэсч, цахим мөрийтэй, бооцоот тоглоомд донтсон хүмүүсийн дунд стресс, сэтгэл гутрал, амиа хорлолт үлэмж нэмэгдэж, ард иргэдийн дунд ажил хийж орлого олох бус амар, хялбар аргаар мөнгө олох явдал ихэсч, ажиллах хүчний бүтээмж буурсан гээд сөрөг үр дагаврыг тоочоод баршгүй...

Монгол Улсын Засгийн газар энэ мэт ард түмний босгосон амьдралыг нураасан, улс орны эдийн засгийг сорж байгаа “ЧИМЭЭГҮЙ ТАХЛЫГ” зогсоох буюу цахим мөрийтэй тоглоомын эсрэг арга хэмжээ авч ажиллаж буй.

Тодруулбал, Засгийн газраас холбогдох хуулийн төслийг УИХ-ын дарга Д.Амарбаясгаланд өргөн мэдүүлж, нэн яаралтай горимоор хэлэлцүүлж өгөхийг хүссэн билээ. Улмаар УИХ-ын чуулганы /2025.04.04/-ний өдрийн хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хууль батлагдсанаар мОНГОЛ улсад цахим мөрийтэй тоглоомын платформууд хориглогдож, зар сурталчилгаа, агентуудын үйл ажиллагаа бүр мөсөн зогсоно. 

Хэлэлцэж буй асуудалтай холбогдуулан УИХ-ын гишүүн, Батлан хамгаалахын сайд С.Бямбацогт Цахим мөрийтэй тоглоомоос болж 4.5 их наяд төгрөг буюу 45 мянган айлын орон сууцтай тэнцэх хэмжээний төгрөг гадагш алдсан байгааг анхааруулав!

Тэрбээр хэлэхдээ "Цахим, мөрийтэй тоглоомыг хориглох хуулийн төслийг Засгийн газраас өргөн барьж байгаа. Яах аргагүй ингэх цаг нь болсон! Тодруулбал, сүүлийн 5 жилийн хугацаанд 1,3 тэрбум ам.доллар буюу монгол төгрөгөөр 4,5 их наяд төгрөг гараад явчихсан байна. Үүнийг энгийн хэллэгээр тооцвол, приус машиныг 30 сая төгрөгийн үнэтэй гэж үзвэл 150 мянган приус машинтай тэнцэх хэмжээний мөнгө гадагш гараад явчихжээ. Цахим мөрийтэй тоглоомыг голцуу эрчүүд л тоглож, өрөнд орж байгаа. 2024 онд л гэхэд 500 сая ам.доллар хяналтгүйгээр гадагш гаргасан. Энэ мөнгө чинь 50 мянган приус машин, 100 сая төгрөгийн орон сууцаар авч үзвэл 45 мянган айлын орон сууц. Нэг ёсондоо, 45 мянган айл орон гэргүй, 150 мянган айл автомашингүй, амьжиргааны эх үүсвэргүй болж байна. Иймд хориглож,, хязгаарлах нь зөв" гэв.

Сэтгүүлч

Сэтгүүлч Б.Хонгорсайхан