УИХ-ын чуулганы /2025.05.08/-ны өдрийн хуралдаанаар Монгол Улсын ын албан тушаалд нэр дэвшигч С.Магнайсүрэнг томилох эсэхийг хэлэлцлээ.

УИХ-ын гишүүн Б.Уянга:

Төрийн албаны тухай хууль болон Төрийн аудитын тухай хуульд заасан шаардлагыг бүрэн хангасан нэр дэвшигч өнөөдөр нэр дэвшиж орж ирж байгаадбаяртай байна. Таныг бас бүрэн дэмжиж байгаа. С.Магнайсүрэн даргатай хуучнаар Уул,Уурхай хүнд үйлдвэрийн яаманд таныг ТНБД-аар ирэх үед хамтарч ажиллаж байлаа. Тэгээд тухайн үед яамнаас гарч байсан бичиг баримт бүхий л эрх зүйн актууд ямар нэгэн хуулийн заалт зүйлийн зөрчилгүйгээр, найруулгын хувьд өндөр түвшинд бэлтгэгдэж, төрийн албаны үйл ажиллагаа цэгцэрч байсан юм шиг тийм мэдрэмжийг авч байлаа. Мөн Ашигт малтмалын тухай хууль дээр ажиллаж байхад ч гэсэн нэлээн нарийн мэргэжлийн салбарыг ойлгож түргэн шуурхай хамтарч ажиллаж байсанд нь энэ завшааныг ашиглаад талархахыг хүслээ.

Тэгээд аудитын байгууллага ч гэсэн энэ хэрээрээ таныг томилогдоод очих үед нэлээн жигдрэх, сайжрах ийм нөхцөл бүрдэх байх гэж найдаж байна. Танд бас амжилт хүсье. Тэгээд2 санал байгаа юм. Сүүлийн жилүүдэд аудитын байгууллагаас гаргасан аливаа дүгнэлтүүдийг нэлээн нягт уншиж , судалдаг боллоо. Тэгээд үзэх бүрд бид нарын ярьж байгаа бүхий л жижиг, том тоо, бүхий л төрлийн асуудлууд ямар нэгэн байдлаар аудитын тайланд туссан байдаг, Хэрвээ тухайн тайланг уншаад хэрэгжүүлж, төлөвлөлтдөө оруулсан бол өнөөдөр зарим асуудлууд жигдэрсэнбайсан байх гэж бодож байгаа. Энэ аудитын зөвлөмж гаргаад анхаарах асуудлууд нь бичигдсэн тохиолдолд, тэр нь ямар нэгэн байдлаар хэлэлцэгддэг байх, төлөвлөлтөд нь суудаг байх дээр анхаараад өгөөрэй гэж хүсье.

Хоёрт, санхүү гүйцэтгэл, үйл ажиллагааны тайлангуудад аудитын дүгнэлтийг танай байгууллагаас гаргадаг. Гэхдээ энэ гүйцэтгэлийн аудит хийхээсээ өмнө магадгүй төлөвлөж байх үед нь бас аудитын байгууллагаас анхаардаг болбол ер нь яадаг юм? Тэгвэл гүйцэтгэл дээр нь ч гэсэн та хэдийн үгийг авахад амар байхболов уу? Үүн дээр ямар шийдлүүд байх боломжтой бол? Мөн хамтарч ажиллахад бэлэн байгаагаа илэрхийлье.

Б.Уянга: Туршлагатай хүн томилогдож очсоноор аудитын байгууллагын ажил жигдэрч, сайжирна гэж найдаж байна