УИХ-ын чуулганы /2025.05.16/-ны өдрийн хуралдаанаар Хот, тосгоны эрх зүйн байдлын тухай хууль /Шинэчилсэн найруулга/-д өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцлээ.

Хэлэлцэж буй асуудалтай холбогдуулан УИХ-ын гишүүн Г.Очирбатын асуултад Хотын Засаг дарга бөгөөд Улаанбаатар хотын захирагч Х.Нямбаатар хариуллаа.

Бараа, ажил үйлчилгээ, худалдан авах тухай хуулийн шалгуур гэж зүйл байдаг. Тэр хуулийн сүүлийн 3 жилийн орлогын 30-50 хувиар дундажлаад борлуулалтын хувь хэмжээг тавья гэдэг шаардлага тавьчихсан. Бид Хятад компани шалгаруулъя гээд хуулинд зохицуулалт, тохируулга хийж орж ирээгүй. Бид 4 багц хувааж байгаа. 4 багцаа багц тус бүр дээр тухайн компанийн сүүлийн 3 жилийн борлуулалтын орлогын 30 хувь болгож босгоо л тавьж байгаа. Ердөөсөө л тавьсан зүйл. Энэ нь өөрөө тендерийн хуульд тавигдсан өнөөдрийн байгаа, хэрэгжиж байгаа заалт.

Хоёрдугаарт, багц тус бүр дээр 10-аад компани орж ирсэн. Шалгаруулалтыг нээлттэй сонгон шалгаруулалт хийсэн. Ямар нэгэн нууц тушаал, шууд гэрээгээр хийгдээгүй гэдгийг хэлье.
Бид Тендерийн тухай хуульд одоогийн хүчин төгөлдөр хуулиар түншлэл болон туслангийн хувь хэмжээг заасан. Бид мөн түншлэлийг 20 хувь, туслан гүйцэтгэгчийг 20-оос доош хувь гэсэн байдлаар бүх боломжуудыг зэрэг нээж оруулсан. Та өөрөө бизнес хийдэг хүн. Өнөөдрийн байдлаар манай хөдөлмөрийн зах зээл, барилгын салбарт ажиллах хүчний хомсдол байгаа гэдгийг маш сайн ойлгож байгаа. Уг нь энэ зүйлийг гэтлэх давах гээд гаднаас ажиллах хүч авах хуулийн төслийг оруулсан боловч харамсалтай нь Их хурлын босго даваагүй унасан. Таныг ажлын хэсэг ахлаад шалгаж өгнө үү, энэ тендерийг Монгол Улсын хууль тогтоомжийг дагуу ажлын хэсэг гаргаж Их хурлаар нээлттэй сонсгол, шалгалт явуулахад бид хамтарч ажиллахад бэлэн байна.

Би хотын даргын хувьд хотын даргын л ажилд хариулна. ЗГХЭГ энэ Хот тосгоны эрх зүйн байдлын тухай хуулийн хэрэгжилтийг хангахтай холбогдуулан ажил зохион байгуулах үүрэгтэй. Энэ хууль яагаад хэрэгжээгүйн нэгдүгээр шалтгаан нь хот тосгоны эдэлбэр газрын хилийн заагийг тогтоох Их хурлын тогтоол батлагдаагүй байгаа учраас энэ хуулийг шууд хэрэгжүүлэх боломжгүй байгаа юм. Өнгөрсөн жилийн 5 сард анх энэ хуулийн төслийг оруулахдаа УИХ-ын тогтоолын хавсралтаар энэ байгуулагдах 40 гаруй тосгоны хилийн зааг нэршлийг тогтоолын төсөлтэй оруулсан боловч эргэлтийн цэгийг оруулж ирээгүй шалтгаанаар дараа Их хурлаар эдэлбэр газрын заагийг тогтоох нь зөв гэдэг тогтоол гараад таны уншдаг 72-р тогтоол батлагдсан.

Сэтгүүлч

. Б.Цэцэгсүрэн