Эдийн засгийн байнгын хорооны өнөөдөр /2025.11.27/-ийн хуралдаанаар Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийн төслийн анхны хэлэлцүүлгийг хийлээ.

Монгол Улсын Их хурлын чуулганы хуралдааны дэгийн тухай хуулийн 39.10-д заасны дагуу Байнгын хороо хуулийн төслийг зүйл бүрээр хэлэлцэнэ гэж заасны дагуу хуулийн төслийг зүйл бүрээр нь хэлэлцэж, гишүүд асуулт асууж, хариулт авлаа. Хуулийн төслийг хэлэлцэх үеэр зарчмын зөрүүтэй санал гараагүй тул Монгол Улсын Их Хурлын чуулганы дэгийн тухай хуулийн 39.24-т Хуулийн төслийн талаар зарчмын зөрүүтэй саналын томьёолол гараагүй бол хуулийн төслийг анхны хэлэлцүүлгээс эцэслэн батлах үе шат руу шилжүүлэх горимын саналыг нэгдсэн хуралдаанд гаргаж болно гэж заасны дагуу санал хураалт явуулахад гишүүдийн олонх буюу 70.6 хувийн саналаар дэмжиж, санал дүгнэлтийг чуулганы нэгдсэн хуралдаанд танилцуулахаар тогтов.

Монгол Улсыг 2026-2030 онд хөгжүүлэх таван жилийн үндсэн чиглэл батлах тухай Улсын Их Хурлын тогтоолын төслийн анхны хэлэлцүүлгийг хийлээ. Зарчмын зөрүүтэй 200 гаруй санал тус бүрээр санал бүрээр хэлэлцэж, гишүүдийн олонх дэмжив.

ЭЗБХ: Хүний эрхийн мэдрэмжтэй таван жилийн үндсэн чиглэл боловсруулсан гэв