УИХ-ын чуулганы /2025.12.04/-ны өдрийн хуралдаанаар Гэр бүлийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Л.Энхнасан:

Шинэ төслийг дэмжиж байгаа. Гэрлэлт, гэрлэлтийн гэрээ, гэрлэлт цуцлах, үрчлэлт, нөхөн үржихүй, хүүхдийн эрх, гэр бүлийн харилцаа гээд олон асуудлууд орчин цагийн гэр бүл, нийгмийн харилцаанд нийцүүлэн нарийвчлан зохицуулсан байгаа. 3 асуулт байна.

Шинэ хуулийн төсөлд цөөнхийн, нийтлэг бус үндэсний цөөнхийн ЛГБТК гэх мэт албан бус бүлгүүдийн эрхийг тусгайлан хамгаалсан заалтууд тусгасан эсэх нь бүрхэг байна. Тодруулъя?

Хүүхэд үрчлэх боломжтой гэр бүлийг Монгол улсын хуулийн дагуу бүртгэлтэй байхаар заажээ. Нас заагдсан байгаа юу? Жишээлбэл олон улсад 25-аас 50 насны гэр бүл гэж заасан байдаг. Энэ насны хязгаарлалтыг оруулж болох уу? Учир нь тэтгэгчээ алдсан тэтгэмжийг авахаар хүүхдээ үрчлүүлдэг тохиолдлууд их гардаг.

Мөн сая шүүх дээр 123.3 болон 129.4-д үндэслэн шийдвэр гаргасан байгаа. 129.4-ийг хэрэглэхдээ эхнэрийн хөдөлмөр оролцоог 0-3 насны хүүхэд асрах чөлөөтэй байсан хугацааг харгалзаж түүнд оногдох хөрөнгийн хэмжээг багасгасан. Гэтэл 129.3-ыг баримталсан боловч эхийн асрамжид үлдсэн.

Ингээд 2 хүүхдэд хөрөнгөөс нь хувь олгоогүй. Хүүхдийн ашиг сонирхлыг харгалзах учир хөрөнгөөс нь хувь олгож өгөөч ээ гэсэн гомдол гаргаад бараагүй гэж байгаа юм. Тэгэхээр 0-3 настай хүүхдээ асарч байгаа эхийн хөдөлмөрийг оролцоог яаж үнэлж байгаа вэ? Хэрхэн үнэлнэ гэж бодож байгаа вэ?

Түүний асуултад ХЗДХЯ-ны Төрийн нарийн бичгийн дарга Н.Мягмар хариуллаа.

Л.Энхнасан: Эхнэрийн 0-3 насны хүүхэд асрах чөлөөтэй байсан хугацааг харгалзаж түүнд оногдох хөрөнгийн хэмжээг багасгаж шийдвэрлэсэн тохиолдол гарлаа