УИХ-ын чуулганаар "Гэр бүлийн тухай хуулийн шинэчилсэн найруулга"-ын төслийг хэлэлцэж эхэлсэн. Олон чухал зохицуулалтууд тусгагджээ.

Манайхан, хуулийн төслийг заавал орж уншаарай.

Миний бие УИХ-ын гишүүний бүрэн эрхийн хүрээнд дараах агуулгыг нэмж тусгуулахаар Ажлын албаныхантайгаа ажиллаж эхэлсэн. Та бүгдтэй хуваалцъя.
Огт аваагүй хүүхдийн ТЭТГЭМЖийг нөхөж олгуулах: Хуулийн төслийн 7 дугаар бүлэг - буюу 49 дүгээр зүйлд өмнө нь авах ёстой байсан хүүхдийн тэтгэмжийг нөхөж авах зохицуулалт нэмж тусгах /гэр бүл цуцлуулаад эсвэл хамтран амьдрахаа болиод 2 жилийн дараа шүүхээр тэтгэмж тогтоолгож байгаа бол 2 жилийн хугацааны тэтгэмж нөхөж гаргуулах/;

Гэрлэлтийг Гэрээг заавал байгуулдаг болгох: Хуулийн төслийн 22.1-т “Гэрлэлтийн гэрээг харилцан тохиролцсоны үндсэн дээр байгуулж болно” гэснийг “байгуулна” гэж өөрлөн найруулах /гэрээ байгуулах нь хариуцлагын асуудал тул заавал байгуулах/;

Салалтын дараах хамтын үүргийн гэрээг хуульчлах: Хуулийн төслийн 3 дугаар бүлэг (Гэрлэлт дуусгавар болох, цуцлах, хүчин төгөлдөр бус гэж тооцох, сэргээх, гэрлэлт цуцлалтыг хүчин төгөлдөр бус гэж тооцох)-т “Салалтын дараах хамтын үүргийн гэрээ” байгуулах талаар зохицуулалт тусгах шаардлагатай байгаа /Тус гэрээгээр хүүхдийн тэтгэмж төлөх нөхцөл, хэлбэрээ тохирох, хүүхэдтэйгээ хамт байх хугацаа, сургууль цэцэрлэгт нь зөөх хуваарь зэргийг тохирох/.

Эцэг, эхийг илүү Хариуцлагажуулах: Хуулийн төслийн 48 дугаар зүйлд хүүхдийн тэтгэлэг төлөөгүй, хүүхдээ тэжээн тэтгэх үүргээ биелүүлээгүй этгээдэд хүлээлгэх хариуцлагын талаар зохицуулалт тусгах, хариуцлагажуулах. Мөн Архины хамааралтай, эцэг эх байх үүргээ умартсан хүмүүс олон хүүхэд төрүүлж хүүхдийн мөнгөөр амьдраад байна /хүүхдийн мөнгө, хүнсний талон, төр болон ТББ-аас аливаа тусламж, дэмжлэг авах зорилгоор олон хүүхэд төрүүлдэг/ гэсэн шүүмжлэл бий.

Хүүхдийн мөнгийг зөвхөн ХҮҮХДЭД л зарцуулах: Төрөөс олгож буй хүүхдийн тэтгэмжийг хүүхдийн хэрэгцээнд зарцуулаагүй бол хүүхдийн нэрийн дансанд 18 нас хүртэл нь хөдөлгөөнгүй байршуулах.

Хүүхдийн эрхийн тухай хуулийг сайжруулах: Дагах хуулийн төсөлд Хүүхдийн эрхийн тухай хуулийг оруулах. Одоогийн байдлаар дээрх агуулгын хүрээнд ажиллаж байна. Та бүхэн хуулийн төсөлд тусгуулах саналаа хувь чатаар ирүүлээрэй.

Б.Уянга: Гэр бүлийн хуульд хэд хэдэн агуулгыг нэмж тусгуулахаар ажиллаж байна