УИХ-ын чуулганы /2026.05.21/-ний өдрийн хуралдаанаар УИХ-ын чуулганы /2026.05.21/-ний өдрийн хуралдаанаар Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хэлэлцэж буй асуудалтай холбогдуулан УИХ-ын гишүүн Д.Энхтүвшин асуулт тавьж, байр сууриа илэрхийллээ.

Хуулийн төсөлд амлалт гэсэн шинэ нэр томьёо орж ирсэн. Тэгэхээр 16.11 дээр ЗГ-ын гишүүн нь УИХ-ын нэгдсэн, байнгын, дэд болон түр хорооны хуралдааны хэлэлцүүлгийн шатанд өгсөн тодорхой хугацаатай хэрэгжих боломжтой амлалт үүрэг бүхий тайлбар чуулганы үед хэлчихээд тэр нь биелэгдэхгүй бол хариуцлага тооцох агуулгатай заалт бий. Гэтэл УИХ-ын тухай хуулийн 41.2 дээр УИХ-ын гишүүн нь нэгдсэн, байнгын, дэд, түр хорооны хуралдааны үеэр хэлсэн үгнийхээ төлөө бүрэн эрхийнхээ хугацаанд болон түүний дараа хариуцлага хүлээхгүй гэдэг заалт бий. Тэгэхээр ЗГ-ын гишүүд бүгд давхар дээлтэй УИХ-ын гишүүд учраас энэ 2 хуулийн заалт чинь зөрчилдөж хэрэгжүүлэх бололцоогүй харагдаад байна. Үүн дээр тайлбар өгөөч!

Д.Энхтүвшин: Давхар дээл хууль хооронд зөрчил үүсгэж байна!