УИХ-ын Төсвийн байнгын хороо, Эдийн засгийн байнгын хорооны хамтарсан хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийг үргэлжлүүлэн хэлэлцэж байна.

Энэ асуудатай холбогдуулан УИХ-ын гишүүн О.Батнайрамдал дараах байр суурийг илэрхийллээ.

2027 оны төсвийн хүрээ хүрээний мэдэгдэл 2028-2029 оны төсвийн төсөөллийн хэлэлцүүлэг хийж байна. Ж.Энхбаяр сайд байх хэрэгтэй байна. Хэрвээ байхгүй бол ЗГХЭГ-ын дарга байх ёстой. УИХ Засгийн газрыг холбож байдаг үндсэн субъект ЗГХЭГ-ын дарга. Гэтэл энэ хүнийг байнгын хороон дээр нэг асуултад хариулж байгааг ерөөсөө харсангүй. Олон өрөөтэй 2 давхартаа нуугдаад байдаг юм уу хаашаа юм. Сайд гарч ирээд асуултдаа хариулах хэрэгтэй. Миний асуулт Оюу толгойтой холбоотой. Ерөнхий сайдаас гаргасан Оюутолгойн асуудал дээр ажлын хэсэг гарсан байна.

Б.Энхбаяр ЗГХЭГ-ын дарга, Монгол Улсын сайд ахалж байгаа. Үүнийг сонсож байгаа олон нийт, дээрээс нь сэтгүүлчдэд хандаж хэлмээр байгаа юм. Оюутолгойн хариуцлагыг бид нар Б.Энхбаяр сайдаас нэхнэ шүү. Яагаад гэвэл ажлын хэсэг ахалж байгаа. Ажлын хэсэг ахалж байж,байнгын хороон дээрээ ирж гишүүдийнхээ асуултад хариулахгүй ингэж болохгүй. Миний гарт Морган Стэнлиг дэлхийн хамгийн том хөрөнгө оруулалтын банкны Оюутолгой, Рио Тинто дээр 3 сарын өмнө гаргасан судалгаа байна.

Энэ судалгаагаар Оюутолгойн төслийг 35,7 тэрбум доллароор 100% үнэлсэн байгаа юм. 35,7 тэрбум доллар гэдэг бол Монголын өнөөдрийн нийт эдийн засгаас 43%-аар том үнэлгээ. Үүний 34 хувьд оногдох нь 12 тэрбум доллар. Монголын эзэмшиж байгаа 34%, өнөөдрийн Морган Стэйнлигийн хийсэн тооцооллоор 12 тэрбум долларт үнэлэгдэж байгаа юм.

О.Батнайрамдал: Оюу толгойн энэ оны 34 хувьд оногдох хэмжээний мөнгө нь ирээдүй өв сантай тэнцэх хэмжээний байна, хэзээ бид ашиг хүртэх вэ!