Төсвийн байнгын хорооны өнөөдрийн /2026.06.17/ хуралдаанаар Тамхины хяналтын тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан УИХ-ын гишүүн М.Бадамсүрэн дараах байр суурийг илэрхийллээ.

Лабораторит шинжилгээгээ хийж чадаж байгаа эсэхийг асуугаад олигтой хариулт авч чадаагүй. Электрон тамхины хортой бодис нь яг юу болох, хэр хэмжээтэйгээс хамаарч татвар ногдуулах харилцааг зохицуулах гээд байгаа шүү дээ.

Ажлын хэсгийн судлаач, лабораторийн эрхлэгч 2 зөрүүтэй зүйл яриад байгаа юм. Бид алинд нь итгэх вэ гэдэг асуудал үүсч байна. Тийм учраас эрүүл мэндийн сайд үүнийг сонсох ёстой гэж үзээд байнгын хорооны даргад санал тавьж байна.

Архи хортой. Үүний найрлагад спирт болон бусад хүний биед хортой элементүүд бий. Тийм учраас онцгой албан татварын хуулиар шимийн архи, пиво 2-т бага, коньяк, виски, цагаан архинд өндөр татвар ногдуулж байгаа шиг утаат тамхи, дүнсэн тамхи, шингэн тамхи буюу вепүүдийн хортой бодисынх нь хэмжээнээс хамаараад татвар ноогдуулах асуудлыг л хөндөөд байгаа юм.

Би энэ зохицуулалтыг дэмжиж байгаа. Гэхдээ Төсвийн байнгын хороо татварын асуудал дээр төвлөрч, саналаа өгч байгаа. Хэлэлцүүлэгт бэлтгэх тэр ажлын хэсэгүүнд хариулах ёстой.

М.Бадамсүрэн: Электрон тамхины хорт бодисын агууламж, хэмжээнээс хамаарч татвар ногдуулах нь зүйтэй