УИХ-ын чуулганы /2026.06.18/-ны өдрийн нэгдсэн хуралдаанаар Татварын Ерөнхий хуульд нэмэлт өөрчлөлт оруулах хуулийн төсөл болон дагалдах хуулийн төслүүдийг хэлэлцүүллээ.

Хэлэлцэж буй асуудлын хүрээнд гишүүд асуулт асууж, байр сууриа илэрхийллээ.

УИХ-ын гишүүн П.Сайнзориг:

Нэмэлт өөрчлөлт оруулах тухай хуулийн эцсийн хэлэлцүүлэг явж байна. Иймд цаашид анхаарах зүйлсийг хэлмээр байна. НӨАТ-ын босгыг нэмэх нь сул болон давуу талтай. Үүнийг нарийвчлан судлах нь зүйтэй. Хамгийн чухал нь бүгд шударгаар төлдөг болмоор байна. Харин буцаалтын хувь хэмжээ байх уу, татварын хэмжээ нь байх уу гэдгээ эргэж харах хэрэгтэй. 400 саяд хүргэж босгыг нь нэмэгдүүлчихээр олон ААН байгууллагууд энэ хуулийн үйлчлэлээс гарна. Энэ ялгамжтай байдлаас болоод компани хоорондын харилцаа тасрах вий гэдэг зүйлс яригдана. Жижиг компаниудад түүх үүсэхгүй үр дагаврууд ч гарахыг үгүйсгэхгүй. Тэгэхээр босгыг нь өндөрсгөхөөсөө илүүтэй бүгд төлье, харин буцаалтын хувь хэмжээгээр дэмжиж өгөх энэ суурь зарчмыг баримтлах нь зөв.

Энэ хуулийн гол зохицуулалт юу болохыг ажлын хэсгийн ахлагч тодорхой хэлж өгөөч? Гишүүд бид бодлогоосоо ухарлаа гэдэг мэдэгдэл хийлээ. Эдийн засгаа, бизнесийг улам жижгэрүүлэх чиглэл рүү явчих гээд байгаа юм. Татварын хуулиудыг баталчихаад эргэж буцаад байх нь буруу.

П.Сайнзориг: Татвараа бүгд төлье, харин дэмжлэгийг татварын болон буцаалтын хувь хэмжээгээр шийдье!