УИХ-ын чуулганы /2026.06.25/-ны өдрийн хуралдаанаар Уур амьсгалын өөрчлөлтийн тухай хуулийн төсөл болон хамт өргөн мэдүүлсэн хуулийн төслүүд хэлэлцлээ.

Хэлэлцэж буй асуудлын хүрээнд гишүүд асуулт асууж, байр сууриа илэрхийллээ.

УИХ-ын гишүүн С.Эрдэнэболд:

Уг хууль хэлэлцэн батлагдсанаар нийгэм эдийн засгийн ямар үр ашиг симуляцын түвшинд гарах вэ? Бид 2024 оны 11 сарын 28-нд хүн төвтэй бодлогын бичиг баримт гаргасан. Тухайн үед УИХ-ын гишүүн Х.Булгантуяа ахлаад УИХ-аас гарч байгаа бүх хууль, тогтоолууд 5 шалгуурыг хангасан байна гээд шалгуур үзүүлэлт тогтоочихсон. Улмаар жил бүр ТББХ-н дээр төлөвлөгөө гаргаад УИХ-аас гаргаж байгаа тогтоолууд болон хуулиудыг үүнд уялдуулах шийдвэр гаргасан. Хараад байхад бид үүнийг ишилж, зарчим, шалгуур маягаар ашиглахгүй байна. Үндэсний аюулгүй байдлын 6 тулгуур баганын нэг нь өргөн баригдсан хуультай холбоотой асуудал юм. Оршин тогтнохуйн аюулгүй байдлын араас орж байгаа экологийн том сэдэв бий.

1. Үндэсний аюулгүй байдлын үзэл баримтлалтай энэ зохицуулалтууд хэр зэрэг уялдаж байгаа вэ?

2. Нийгэм эдийн засгийн ямар үр ашиг, симуляц үр дүн гарсан бэ?

3. Өнөөдөр 6 сарын 25 гэхэд зун болсонгүй. Бараг намартай залгачих гээд байгаа шүү дээ. Энэ нөхцөл байдал, өөрчлөлтүүдийнхээ судалгаа, зүйлсийг хэрхэн тусгасан бэ?

С.Эрдэнэболд: Зун бололгүй намартай залгах нь, энэ уур амьсгалын өөрчлөлтийг судалж, төрийн бодлогод тусгах нь зүйтэй