Монгол Улсын Тэргүүн Шадар сайд бөгөөд Эдийн засаг, хөгжлийн сайдаас Уул уурхайн зарим ордыг эдийн засгийн эргэлтэд оруулах тогтоолын төслийг хэлэлцэхээр Засгийн газраас УИХ-д оруулж ирсэн асуудлаар тодрууллаа.

“Засаг явуулна гэж шийдээд оруулж ирлээ. Бүх түүхий эд мөчлөгтэй байдаг. Зөвхөн нүүрс гэхэд 1 тонн 200 доллар хүрсэн үе бий. 20 доллар болж унасан үе ч бий. Өнөөдөр 60-аас 70 долларын хоорон байна. Зэс гэхэд 1200 долларч байлаа, 2 мянга ч хүрлээ. Өнөөдөр 3 мянган доллар хүрсэн байна. Нүүрсний уналтыг зэсийн өсөлтөөр нөхөөд төсвөө тэнцвэртэй хадгалж чадаж байна шүү дээ.

Тэгэхээр бид энэ алтан үеийг л ашиглаж хөрөнгө оруулалтыг татах, ордуудаа эргэлтэд оруулах хэрэгтэй. Өндөр үед оруулсан хөрөнгө оруулалтаа нөхдөг, хөрөнгө оруулагч сонирхдог. Үнэ уначихаар хойшилчихдог. Энэ хэмжээнд улс орны эдийн засаг хохирол амсаад л байдаг.

Тэгэхээр одоо улс орноо бодмоор байдаг. Дотоод улс төржилт, хийрхлийг таслан зогсоох хэрэгтэй байдаг. Ард түмний нэр барьсан, ТББ-ын нэр барьсан хүмүүстэй хатуу тэмцэх хэрэгтэй байна. Ингэхгүйгээр бид эдийн засгаа тэлж чадахгүй, нийгэмд тулгамдсан олон зорилтыг шийдвэрлэж чадахгүй” хэмээн Ж.Энхбаяр сайд хариулав.

Ж.Энхбаяр: Уул уурхайн бүтээгдэхүүний ханш өндөр үе нь хөрөнгө оруулалт татах, ордуудаа эргэлтэд оруулах хамгийн таатай үе байдаг