Нэрт хөгжмийн зохиолч П.И.Чайковскийн өвийг дэлхий нийтэд түгээх, авьяаслаг хүүхдүүдийг дэмжих, залуу үеийнхэнд сонгодог хөгжмийн урлагийг сурталчлан таниулах зорилготой энэхүү уралдааныг ОХУ-ын Удмуртын Бүгд Найрамдах Улсын Засгийн газар болон Соёлын яамны санаачилгаар "П.И.Чайковскийн төрсөн нутагт" нэр дор хоёр дахь жилдээ зохион байгуулж байна.

Уралдаан 2026 оны 04 дүгээр сарын 01-нээс 10 дугаар сарын 14-ний өдрийг хүртэл үргэлжлэх бөгөөд 10-22 насны хөгжимчид насны ангиллаар дараах төрлүүдээр оролцоно:
• Төгөлдөр хуур
• Чавхдаст хөгжим
• Модон үлээвэр хөгжим
• Гуулин үлээвэр хөгжим
• Үндэсний хөгжим

Уралдааны үе шатууд:
• I шат (Цахим): Оролцогчдын бүртгэлийн материал болон журамд заасны дагуу тоглосон зохиолын видео бичлэгийг 2026 оны 08 дугаар сарын 15-ны өдрийг дуустал хүлээн авна.
• II шат (Танхим): 2026 оны 10 дугаар сарын 11-нээс 12-ны өдрүүдэд Воткинск болон Ижевск хотуудад явагдана.
• III шат (Финал): 2026 оны 10 дугаар сарын 13-ны өдөр Воткинск хотод зохион байгуулагдана.

Гала тоглолт болон шагнал гардуулах ёслол 2026 оны 10 дугаар сарын 14-ний өдөр Удмуртын Бүгд Найрамдах Улсын Дуурь, бүжгийн эрдмийн театрын тайзнаа болно.

“П.И.ЧАЙКОВСКИЙН ТӨРСӨН НУТАГТ” ОЛОН УЛСЫН ХҮҮХЭД, ЗАЛУУЧУУДЫН II УРАЛДААНЫ БҮРТГЭЛ ЭХЭЛЛЭЭ