Орлого нь 50 саяас давахаар албан журмаар НӨАТ суутган төлөгч болж, өндөр татвар төлөх ачааллаас үүдэн бизнесээ хаах эсвэл орлогоо нуух эрсдэл үүсдэг.

Иймд нэмэгдсэн өртгийн албан татварын (НӨАТ) шинэчлэлээр одоогоос 11 жилийн өмнө тогтоосон 50 сая төгрөгийн босгыг үнийн өсөлттэй холбоотойгоор 400 сая болгон нэмэгдүүллээ. Ингэснээр 23 мянга аж ахуйн нэгж НӨАТ-ын тайлагналын хүнд суртлаас чөлөөлөгдөж, бизнесээ өргөжүүлэхэд анхаарах боломжтой болж байна.

Google, Facebook, Netflix, TikTok тэргүүтэй онлайн видео, хөгжим, тоглоом, стрийминг, зар сурталчилгаа, апп, программ хангаж, үүлэн үйлчилгээ, дата хадгалалт гэхчлэн олон төрлийн онлайн үйлчилгээ үзүүлэгч этгээдүүдийг хамаарах юм байна. Тэгвэл гаднын этгээдүүдийн бүртгэл, тайлагнал, төлбөрийг онлайн цахим портал ашиглан хянахаар зэхэж байгаа аж.

Ингэснээр Монгол Улс олон улсын дижитал үйлчилгээний татварын жишгийг дагаж, дотоодын бизнес эрхлэгчдийн хувьд шударга өрсөлдөөний нөхцөлийг бүрдүүлэх эрх зүйн орчин бий болгох ач холбогдолтой.

Хуулийн төслийг боловсронгуй болгох Ажлын хэсгийг УИХ-ын гишүүн Х.Ганхуяг ахалсан.

Тэрбээр "НӨАТ-ын тухай хуульд зөвхөн босгыг 50 сая төгрөгөөс 400 сая төгрөг болгон нэмэгдүүлэх нь эцсийн хэрэглэгч болох иргэдэд ямар ч үр өгөөж өгөхгүй. Харин ч өнөөдөр НӨАТ төлөгчөөр бүртгэлтэй байгаа 63 мянган аж ахуй нэгжээс 23 мянга орчим нь шууд системээс гарч, татварын ачаалал НӨАТ төлж байгаа үлдсэн аж ахуй нэгждээ шууд очно.

Ингэснээр:

НӨАТ-ын тогтолцооны хамрах хүрээ хумигдана.
Үлдсэн НӨАТ төлөгч аж ахуйн нэгжүүдийн ачаалал нэмэгдэнэ.
Эдийн засгийн ил тод байдал буурах эрсдэл үүснэ" хэмээн үзэж НӨАТ суутган төлөгчийн босгыг 400 сая болгох заалтыг хасах саналыг байнгын хороогоор хэлэлцэж, дэмжсэн хэдий ч чуулганы хуралдаанаар олонх нь татгалзсанаар энэ зохицуулалт хэвээр үлдсэн юм.

Мөн орлого нь бүрэн орж ирээгүй байхад НӨАТ төлөх шаардлагатай болдог нь ААН-үүдэд тулгардаг том бэрхшээлүүдийн нэг юм. Иймд импортын барааны мэдүүлэгч хүсэлт гаргасан тохиолдолд татвар төлөх хугацааг 2 хүртэлх сараар хойшлуулахаар зохицууллаа. Уг зохицуулалт 2027 оны нэгдүгээр сарын 1-ний өдрөөс эхлэн хэрэгжинэ.

Н.УЧРАЛ: ААН-ҮҮД ОРЛОГОО ЖИЖИГЛЭДЭГ АСУУДАЛ БАЙХГҮЙ БОЛНО

Орлого нь 50 саяд хүрчихээр хамаарал бүхий иргэд, гэр бүлийнхэндээ хуваарилж жижиглээд байгаа юм. Энэ босгыг 400 сая болгон нэмэгдүүлснээр жижиглэх асуудал байхгүй болж хуулийн дагуу НӨАТ-аа төлөөд явна. Далд эдийн засгийг дэмжинэ гэсэн шүүмжлэлд И-Баримтаар бүгдийг нь бүртгэж 100 хувь буцаан олгох боломж бий гэж хэлмээр байна.

М.БАДАМСҮРЭН: ААН-ҮҮДЭЭ ДАРАМТЛАХ БУС ДЭМЖИХ БОДЛОГО ЧУХАЛ

МАН 2024 оны сонгуулийн мөрийн хөтөлбөртөө НӨАТ-ын босгыг 400 сая төгрөг, НӨАТ-ын тухай хуулийг олон улсын жишигт хүргэх амлалт өгсөн байдаг. Ерөнхий сайд Н.Учралын өргөн барьсан төслийг дэмжиж байгаа. Гэтэл босгыг 50 сая хэвээр үлдээхгүйгээр үнийн өсөлттэй холбоотойгоор 400 сая болгох нь зөв.

Ийн хэлэлцсэний үр дүнд Нэмэгдсэн өртгийн албан татварын хууль батлагдсан 2027 оны нэгдүгээр сарын 1-ний өдрөөс хэрэгжиж эхлэхээр боллоо.

НӨАТ-ын босгыг 400 сая төгрөг болгосноор 23 мянган ААН өрсөлдөх чадвараа хадгалж үлдэнэ