УИХ-ын чуулганы /2026.09.07/-ны өдрийн хуралдаанаар Монгол Улсын 2026 оны төсвийн тодотголыг хэлэлцэж байна.

Хэлэлцэж буй асуудалтай холбогдуулан УИХ-ын гишүүн А.Ариунзаяа дараах байр суурийг илэрхийллээ.

2026 оны төсвийн тодотголыг дагаж орж ирсэн хуультай холбоотой нэг асуулт асууя. Төсвийн тогтвортой байдлын тухай хуульд нэмэлт өөрчлөлт оруулах тухай энэ хуулийг уншаад, маш их баярлалаа. Овоо шүү дээ. Нөгөө миний яриад байсан өөрөө өөртөө чөдөр тушаа тавьсан байгаа энэ асуудлыг чөлөөлж байгаа юм байна. 19.9-ийг одоо хүчингүй болгож байгаа юм байна. Гаднаас өчнөөн зээл авчхаад түүнийгээ ашиглаж чадахгүй энэ чөдөр тушаандаа баригддаг. Өнгөрсөн хаврын чуулганаар Эрдэнэбүрэний усны цахилгаан станц, Газрын тос боловсруулах үйлдвэр төсөвт орохгүй шүү гээд. Энэ 2 төсөлд тусгайлсан хууль гаргасан.

Иймд 19.9-ийг өөрчлөөч, хүчингүй болгооч гэдэг шаардлагыг өгсөн. Тэгээд яг алга таших гэж байсан чинь 6.1.2 дээр нэгдсэн төсвийн тэнцвэржүүлсэн тэнцэл нь тухайн төсвийн жилийн ДНБ-ий 2%-аас илүүгүй алдагдалтай эсвэл ашигтай байх гэсэн ийм зүйл заалтаар солигдоод ороод ирлээ. Нөгөө чөдөр тушаагаа тайлж байгаа юм шиг миний хэлээд байсан асуудал шийдэгдчихэв үү, шийдэгдсэнгүй юу?

А.Ариунзаяа: Миний хэлээд байсан чөдөр тушаагаа тайлах асуудал шийдэгдчихэв үү, шийдэгдсэнгүй юу?