УИХ-ын чуулганы /2026.09.25/-ны өдрийн хуралдаанаар Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөлг хэлэлцэж байна.

Хэлэлцэж буй асуудалтай холбогдуулан УИХ-ын гишүүн П.Сайнзориг байр сууриа илэрхийллээ.

Баялгийг ерөөл болгомоор байгаа юм. Энэ улсын хөгжлийг түргэтгэх, ард иргэдийн амар тайван амьдрах нөхцөлийг бүрдүүлэхэд зарцуулах. Мэдээж ОТ-гоос орж ирэх ноогдол ашгийн тодорхой хувийг баялгийн санд нь үлдээгээд, тодорхой хувиар нь бүтээн байгуулалтыг хийе. Үүнийг зарчмын хувьд дэмжиж байгаа. Энэ төслүүдийг ажлын байрыг бий болгох төсөлд өгмөөр байна. Малчдын орлогыг яг бодитойгоор нэмэгдүүлэх арьс, ширний үйлдвэрүүдийг Ховдод, Эмээлт аж үйлдвэрийн парк байдаг юм уу үүнийг дуусгах чиглэлд зарцуулж болох уу. Дээрээс нь энэ газрын менежмент буюу гадаргын усны менежмент усны төслүүдэд өгч болох уу?

Бид газраа арчилж чадвал өгөөжийг ХАА, МАА-н чиглэлээр ч гэсэн хүртэж чадна. Үүн дээр ямар бодол байна? Японы хөнгөлөлттэй зээлээр онгоцны буудал 1,2 тэрбумыг барина гэж байна. Магадгүй иймэрхүү төслүүдийг нөөц бололцоогоо ашиглаад хиймээр байгаа юм. Хэтэрхий их хойч үедээ гэдэг зүйлүүд "фикшн" байхгүй юу. Энэ чинь төрөөгүй хүмүүст юм үлдээнэ л гэж яриад байгаа. Гэтэл одоо цаг дээр амьдарч байгаа хүмүүсүүдийн асуудлыг шийдэгдээгүй байна. Өнөөдрийн энэ бүтээн байгуулалтад тодорхой асуудлуудыг зарцуулъя гэж байгаа энэ зүйлүүдийг дэмжиж байна.

П.Сайнзориг: Баялгийг ерөөл болгомоор байгаа юм!