Ардчилсан намаас улс орон даяар өрнүүлж буй үндэсний хөдөлгөөний Сүхбаатар аймаг дахь нээлтийн хүрээнд Сүхбаатар аймгийн Ардчилсан намын хорооны III хурал болон Ардчиллын анхдагчдад хүндэтгэл үзүүлэх арга хэмжээг хамтатган /2026.10.11/ зохион байгуулсан юм.

Арга хэмжээнд Ардчилсан намын дарга, УИХ дахь АН-ын бүлгийн дарга О.Цогтгэрэл, УИХ-ын гишүүн, Сүхбаатар аймгийн Ардчилсан намын дарга Ж.Батсуурь, УИХ-ын гишүүн Н.Алтанхуяг, УИХ-ын гишүүн Лу.Гантөмөр, Ардчилсан намын дэд дарга Н.Ганибал, Ардчилсан ахмадын холбооны Ерөнхийлөгч Ш.Адьшаа, Сүхбаатар аймгийн Засаг дарга М.Идэрбат, ҮБХ-ны гишүүн С.Төмөрхүү болон Ардчиллын анхдагчид, гишүүд, дэмжигчид болон орон нутгийн иргэд оролцлоо.

Сүхбаатар аймагт ардчиллын үнэт зүйл, залгамж холбоог хадгалж ирсэн ахмад үеийнхэндээ хүндэтгэл үзүүлж, өнгөрсөн хугацаанд хийж хэрэгжүүлсэн ажлаа дүгнэн ярилцлахын зэрэгцээ аймаг, орон нутаг болон Монгол Улсын хэмжээнд өөрчлөх, бүтээх шаардлагатай ажлуудын талаар хамтран хэлэлцлээ.

“Монголоо өөрчилье, бүтээе” үндэсний хөдөлгөөн нь гурван сарын хугацаанд үргэлжлэх бөгөөд иргэдтэй биечлэн уулзаж, тэдний санал бодол, тулгамдаж буй асуудал, өөрчлөхийг хүсэж буй зүйлсийг сонсож, улмаар бодит бодлого, шийдэл болгон боловсруулахад чиглэж байна.

"Өөрчилье, бүтээе” үндэсний хөдөлгөөний Сүхбаатар аймагт