УИХ-ын гишүүн Ж.Галбадрах өнөөдөр /2026.10.10/ Япон Улсын Обирин Их Сургуулийн хүндэт доктор цол хүртлээ.

Боловсролынхоо салбарт 40 гаруй жил ажиллаж, бүх шатны сургуульд багшилж, сургуулиуд удирдаж ирсэн хүний хувьд гадаад орны нэр хүндтэй их сургуулийн хүндэт доктор цол хүртэнэ гэдэг үнэхээр нэр төрийн хэрэг байлаа хэмээн Ж.Галбадрах гишүүн сэтгэгдлээ хуваалцав.

Тэрбээр "Улсын хөгжил хүний хөгжлөөс, хүний хөгжил чанартай боловсролоос хамаардаг. Японы хөгжлийн нууц боловсролдоо байгааг олж харж, япон хэв шинжийн сургуулийг үүсгэн байгуулж, салбар сургуулиуд байгуулж, олон зуун төгсөгчиддөө чанартай боловсрол эзэмших боломж олгож ирснийг минь хэлж, Обирин Их Сургуульд 31 төгсөгчөө сургасан, хийсэн судалгаа бүрээ бодит үйл хэрэг болгохыг зорьж ирсэн зэрэг амжилтыг минь өндрөөр үнэлж энэхүү цолыг олгож буйгаа Хатаяма захирал онцлон танилцуулсан болно.

Олон сайхан анд нөхөд минь миний баярыг хуваалцахаар ирсэнд маш их талархаж байна!" гэв.

Японы Парламентийн танхимын гишүүн, Япон Монгол парламентийн бүлгийн дарга Нагашима, Элчин сайд Б.Баярсайхан зөвлөхүүдийн хамт, 27 жилийн тэртээ миний докторын удирдагч байсан Тохокү ИС-ын Мизүхара профессор, NHK-ийн нэвтрүүлэгч асан Мияата сан Мияама сангийн хамт, Шинэ монголын ивээн тэтгэгч Мабүчи ОУ-ын тэтгэлгийн сангийн ерөнхийлөгч Камей сан, Ясуда ОУ-ын тэтгэлгийн сангийн Баба сан, Лайсэнс Академийн Мацүвара сан, Галааг дэмжигчдийн холбооны Шимамүра, Хаттори нарын 6 хүн, хамтран зүтгэгчдийг төлөөлж Сүмогийн 70 дахь их аврага Харүмафүжи-Бямбадорж болон хамтын ажиллагаатай компани, сургуулийн анд нөхөд, японы өнцөг булан бүрээс үе үеийн Шинэ Монголын 30 гаруй төгсөгч ирж оролцлоо.

Япон Улсын Обирин Их Сургуулийн "Хүндэт доктор" цол хүртлээ