УИХ-ын чуулганы /2026.10.16/-ны өдрийн хуралдаанаар Монгол Улсын 2026 оны төсвийн тодотголыг хэлэлцэж баталлаа.

УИХ-ын гишүүн ПСайнзориг дараах байр суурийг илэрхийллээ.

Өнөөдөр 26 оны төсөвт өөрчлөлт оруулаад тодотгол хийчихлээ. 11 сарын 1-нээс ахмадууд тэтгэврийн асуудал дээр суурь тэтгэврийн асуудал орж ирж байна. Үүнийг дагаад тодорхой хэмжээнд тэтгэвэр, зөрөөтэй байдлууд, арилах нөхцөл байдлуудаас бүрдэж байгаа гэдэг зүйлийг цохон тэмдэглэе. Багш эмч нарын цалингийн асуудал дээр ярьж байсан зүйлүүд байна. Зарим үйлчилгээний ажилтны цалин нэмэгдлээ. Зарим халамжийн асуудлуудыг Баясгалан гишүүн санал гаргаад шийдэж байна. Би ийм зүйлүүдийг шийдэж байгаад баяртай байна. Нөгөө талдаа айдастай байна. Юу вэ гэхээр, урсгал зардлын тэлэлтийг маш их хэмжээнд хийсэн. Төсвийн орлогыг бүрдүүлэх асуудал дээр эдийн засгийг тогтвортой өсөлтийг хангах байдал руугаа анхаарсан шийдвэрүүдийг зөв гаргахгүй бол маш хэцүү нөхцөл байдлууд ирэх жилүүдэд хүлээж байхыг үгүйсгэхгүй.

Өнөөдөр Япон судлаач Д.Төмөрбаатар гуай өөрийнхөө сошиалд бичсэн байна. Би үүнтэй санал нэг байна. Би уншаад өгчихье. “Нийтээрээ ийм зүйл болчхоод байна. Хэрэгтэй ажлыг эсэргүүцдэг болтол нь зөв саналыг дэмждэггүй болтол нь ашигтай төсөлтэйгөөр итгэдэггүй болтол нь ард иргэдийгээ янз янзын мэдээллээр тархийг нь угааж хордуулж байна.”

Тийм учраас хаа хаанаа хариуцлагатай байя. ЗГ оруулж ирж байгаа төслүүд дээрээ гишүүдийн хэлж байгаа танилцуулга дээрээ зөв мэдээллүүдийг гүйцэт хийдэг болмоор байна. Цэнгүүн гишүүний төсвийн задаргаатай холбоотой хуулиа батлаад явах нь зөв. Нөгөө талдаа ОТ дээрээ хэлчихмээр байна. Анхнаасаа иргэдийг карманд нь мөнгө тараах гэж байгаа юм шиг сэтгэл төрүүлж олон нийтэд таалагдах улс төрийг хийж байна. Үүнээс болоод иргэд хүлээлт үүсгэчихсэн. 5 толгой станц гэдэг шиг үүнийг баривал 150 сая долларыг дотооддоо авч үлдэнэ. Иймэрхүү төслүүдийг ОТ-н ноогдол ашгаар хэрэгжүүлээд, эргээд орж ирэх мөнгийг жил болгон иргэддээ тараасан ч яах вэ дээ гэдэг би бодолтой байдаг.

Өнөө маргаашийн аж ахуй, амьдралдаа зарцуулах нэг хэрэг. Тэгэхдээ урт хугацаандаа эдийн засгаа савлуулаад, инфляцыг өдөөгөөд явчих вий гэдэг болгоомжлол байна. Энэ мөнгийг бэлэн тараах ёстой гээд хэлээд байгаа гишүүддээ хэлмээр байна. Бид өөрсдийнхөө нүдийг боогоод жалга руу алхаж байгаатай адилхан юм болох гээд байна. Урсгал зардлын тэлэлт гэдэг зүйл дээр учир начиртай ярьдаг болъё. Ингэхгүй бол иргэд ч гэсэн маш том хүлээлт, бухимдал үүсэж байна.

Хууль дүрэм ярьсан хүмүүсийг сошиалаар бүүлийдэж байна. Ингэтлээ иргэдэд тодорхойгүй байдлаар хандаж байна. Иргэдэд ажлын байр бий болгох төслүүдээ дэмжмээр байна. Малчдыг түүхий эд, ноос дайвар бүтээгдэхүүн үнэд хүрдэг дэд бүтцийг бүрдүүлээд экспортийн орлогоо нэмэгдүүлмээр байна. Ингэж байж малчин өрх чинь монголчуудын дундаж давхаргыг нэмэгдүүлж орж ирнэ. Бизнесменүүд байхгүй юу, тэрнээс биш төрөөс хэзээ ч халамж гуйгаагүй.

П.Сайнзориг: Зарим гишүүд Оюутолгойн ноогдол ашгийг бэлэн мөнгөөр иргэдэд тараах юм шиг буруу мэдээлэл түгээж байна!