БОЛОВСРОЛЫН САЛБАРЫН 2027 ОНЫ ТӨСВИЙН ТАЛААРХ НЭЭЛТТЭЙ ХЭЛЭЛЦҮҮЛГИЙН III ХЭСЭГ “СУРГАЛТЫН ТОНОГ ТӨХӨӨРӨМЖИЙН ХАНГАМЖ” СЭДВИЙН ХҮРЭЭНД АСУУДАЛ, САНАЛ, ШИЙДЛЭЭ ЯРИЛЦЛАА.

Модератороор УИХ-ын гишүүн Л.Мөнхбаясгалан ажиллав.

Боловсролын салбарын асуудлыг бүх талаас нь буюу бодлого боловсруулагч яам, хэрэгжүүлэгч агентлаг, хичээл сургалтын үйл ажиллагааг гардан хариуцан явуулж байгаа сургууль, цэцэрлэгийн захирал, эрхлэгч, багш, судлаач, байгууллагуудын төлөөлөл байр суурь, саналаа илэрхийллээ.

УИХ-ын гишүүн, УИХ дахь Боловсролыг дэмжих лобби бүлгийн ахлагч Ж.Галбадрах:

Боловсролын салбар асуудал ихтэй ч бид үүнийгээ ил тод нээлттэй ярьж, ил гаргаж, нэн тэргүүнд шийдвэрлэхээсээ эхлээд эрэмбэлж гаргах нь чухал юм.

Сургалтын чанарыг дээшлүүлэхэд хичээлээс гадуурхи үйл ажиллагаа чухал үүрэгтэй. Эрүүл бие- Саруул ухаан- Сайхан сэтгэлмйн цогц хөтөлбөр байх ёстой. Үүнийг цогцоор хэрэгжүүлэхэд сургалтын орчин, тоног төрөөрөмж чухал үүрэгтэй. Хэлбэр биш агуулгыг чухалчилсан шийдэл гаргаж, иж бүрнээр хэрхэн нийлүүлэх талаар багш нарын дуу хоолой сонсохыг хүссэн юм.

Хэлэлцүүлгийг үр дүнтэй хэрэгжүүлэх зорилгоор урьдчилж авсан судалгаанд нийт төрийн өмчийн 1737 сургууль цэцэрлэгээс 1092 нь буюу 62.5 хувь хамрагдсан ба тэдний хариулт дээр тулгуурлан шийдлийг гаргах учиртай.

Төрийн өмчийн нийт сургууль, цэцэрлэгийн 62 хувиас урьдчилж авсан санал асуулгад үндэслэн шийдэл боловсруулна