Монгол Улсын Боловсролын яам, ХБНГУ-ын Холбооны Сансар судлал, шинжлэх ухаан, технологийн яам (BMFTR), Монгол Улсаас ХБНГУ-д суугаа Элчин сайдын яам хамтран Монгол-Германы шинжлэх ухааны өдөрлөг” Берлин хотноо зохион байгуулагдаж байна.

Энэхүү өдөрлөг нь хоёр орны боловсрол, шинжлэх ухааны салбарын түүхэн 100 жилийн хамтын ажиллагааг нэгтгэн дүгнэж, ирээдүйн инноваци, судалгааны түншлэлийг өргөжүүлэх зорилготой.

1920-иод оноос Ардын гэгээрүүлэх яамны анхны сайд Эрдэнэбатханы удирдлага дор анхны суралцагчид Герман руу мордсон түүхээс эхлэн, өнөөгийн Монгол-Германы хамтарсан ашигт малтмал, технологийн их сургууль зэрэг томоохон хамтын ажиллагааны ололтуудыг хэлэх нь зүйтэй.

Арга хэмжээний хүрээнд уур амьсгал, тогтвортой хөгжлийн судалгаа, инженерчлэл ба материал судлал, эрүүл мэндийн судалгаа, археологи зэрэг чиглэлээр "GM-MEET" шинжлэх ухааны шинэ санаа, хамтарсан төслийн уралдааны шигшээ шатанд үлдсэн шилдэг 5 төслийн саналыг танилцуулж, шууд санал асуулгаар хэлэлцэн шилдэг төслүүдийг сонгоно.

Шалгарсан төсөл бүрд 35,000 хүртэлх еврогийн санхүүжилт олгож, 2027 оны 1 дүгээр улирлаас эхлэн 12 сарын хугацаанд хэрэгжүүлнэ. Түүнчлэн энэхүү өдөрлөгөөр хоёр орны их сургуулиудын ректорууд, эрдэмтэн профессорууд болон судалгааны байгууллагуудын төлөөлөгчид хэлэлцүүлэг өрнүүлж болж, ирэх зууны боловсрол, шинжлэх ухаан, инновацийн хамтын ажиллагааны талаар санал солилцлоо.

Монгол-Германы шинжлэх ухааны судалгааны түншлэл тэлнэ