УИХ-ын гишүүн Л.Энхнасан “Монголын төмөр зам” ТӨХК-ийн хэрэгжүүлж буй Багахангай–Хөшигийн хөндийн-Эмээлт төмөр замын томоохон бүтээн байгуулалттай танилцлаа.

Тэрбээр "Уул хад, бартаа саад ихтэй газар нутагт газар хөдлөлтийн эрсдэлийг тооцсон инженерийн шийдэл бүхий гүүр, төмөр замын дэд бүтцийг Монгол инженерүүд, Монгол залуус өөрсдийн хүч хөдөлмөр, мэдлэг чадвараар бүтээн байгуулж байгааг харахад үнэхээр бахархал төрлөө.

Хамгийн онцлууштай нь, улсын төсвөөс шууд санхүүжилт авалгүйгээр 555 сая ам.долларын өртөгтэй ийм том төслийг хэрэгжүүлж байгаа явдал юм.

Энэ бол зөвхөн нэг төмөр замын бүтээн байгуулалт биш.

Монголчууд бид томоохон дэд бүтцийн төслийг өөрсдөө хэрэгжүүлэх инженерийн мэдлэг, ур чадвар, туршлага, чадавхтай болсны бодит илэрхийлэл.

“Монголын төмөр зам” ТӨХК энэ ажлаараа дараа дараагийн томоохон төслүүд, тэр дундаа зүүн аймгуудыг холбох төмөр замын байгуулалтад амжилттай оролцоно гэдэгт итгэж байна.

Бүтээн байгуулалтыг гардан хийсэн цаашид ч хийх нийт хамт олонд талархал илэрхийлье" гэв.