УИХ-ын чуулганы /2026.10.29/-ний өдрийн хуралдаанаар Өгөгдлийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.

УИХ-ын гишүүн Д.Энхтүвшин:

Баримтлалын хүрээнд хэлэлцэхийг дэмжиж байна. Гэхдээ Хууль тогтоомжийн тухай хуулийн 16.1 дээр хууль тогтоомжийн төслийг үзэл баримтлалд нийцүүлэн боловсруулна гэж заасан. Энэ хуулийн төсөл дээр үзэл баримтлалдаа байхгүй заалтууд болон чухал заалтуудыг хуулийн төсөлдөө оруулчихсан. Нөгөө талаасаа үзэл баримтлал дээрээ байгаа мөртөө чухал заалтуудыг хуулийн төсөлдөө оруулаагүй. Иймэрхүү асуудлууд байна. Жишээлбэл хуулийн төсөл дээр үзэл баримтлал дээрээ байхгүй зүйлүүд, чухал асуудлуудад гадаадын дата төвөөс халдашгүй байдлын төлбөр авах, үр ашгаас хуваалцах гэрээ 13.12 дээр байгаа. 14.4.3 17.1.4 дээр ногоон дата төвд ЗГ-ын баталгаа гаргах, зээлийн нэн хөнгөлөлттэй нөхцөл олгох. 9.4, 9.5 дээр төр, иргэн, компанийн өгөгдөл, шүүхийн зөвшөөрөлгүй хандах, арилжааны нөхцөлийг худалдах, өгөгдлийг дотооддоо хадгалах шаардлага гээд 16.4 гэх мэтчилэнгээр. Энэ заалтууд хууль дээр байгаа мөртөө үзэл баримтлал дээрээ байхгүй байна. Төсвийн баталгаа, татварын шинжтэй төлбөр тооцоонууд, иргэний хувийн нууцтай холбоотой асуудлуудыг үзэл баримтлал, зардлын тооцоо, үр нөлөөний үнэлгээгүйгээр энэ хуулиар дагалдуулаад орох нь энэ Хууль тогтоомжийн тухай хуулиар нийцэхгүй байна. Дата төв дээр ЗГ-ын баталгаа олгоно гэдэг үнэлгээн дээр байхгүй. Өрийн баталгаатай холбоотой заалтууд дээр яаж өөрчлөлт нөлөө үзүүлэх гэдэг нөлөөний үнэлгээнүүд байхгүй байна. Зардлын тооцоон дээр байхгүй байна. Үзэл баримтлалд дурдчихсан мөртөө хуулийн төсөлдөө тусгаагүй нэлээн хэдэн заалтууд байна. Өгөгдлийн өмчлөл ашиглах эрхийг тодорхойлно, өгөгдлийн зах зээл зуучлалыг зохицуулна, стратегийн өгөгдлийг хамгаалах тусгай дэглэм тогтооно, хүний эрхэд суурилсан зохицуулалттай байна гэсэн заалтууд байгаа мөрлтөө хувийн мэдээллийг ХЭҮК хэрэгжүүлдэг. тэгээд энэнтэй холбоотой зүйл заалтууд бас байхгүй харагдаад байна л даа. Үүнтэй холбоотой үзэл баримтлал дээр байхгүй тусгагдсан зүйлүүдийг яаж засах вэ? Үзэл баримтлал дээр тусчихсан мөртөө хуульд тусгагдаагүй зүйлүүдийг яагаад тусгаагүй юм бэ. 2 дугаарт. Нийтийн мэдээллийн ил тод байдлын тухай хуулийн 12 дугаар зүйл дээр нээлтэд нээлттэй өгөгдлийг үнэ төлбөргүй олгоно гэдэг зүйл заалтыг хасаж байна. Орж ирж байгаа заалт дээрээ энэ төлбөртэй төлбөргүй болно гэсэн заалт байхгүй байна. Өөрөөр хэлбэл нээлттэй өгөгдлийг төлбөртэй болгож байгаа гэсэн үг үү? Төлбөргүй гэдэг заалтаа хасаад өөрчлөлт оруулаагүй байна. Цахилгааны эх үүсвэр дээр дата төв нь хуулийн 14.4.1 дээр эрчим хүчний хангамжийн найдваржилтын 1 дүгээр зэрэглэлд хамруулна. Манайх эрчим хүчний хувьд асуудалтай улсын хувьд өвлийн хүйтний үед энэ байдлыг хангаж чадах уу үгүй юу. Энэ төслөөр болохоор нэг яам бодлогоо гаргаж байна, хөрөнгө оруулагчтайгаа гэрээ хийж байна, маргаан шийдэж байна, зөрчил шалгадаг гээд бүх юмыг нэг дор хараат бус бүтэц байхгүй харагдаад байна.

Д.Энхтүвшин: Үзэл баримтлал дээр байхгүй зүйлүүдийг хуулийн төсөлд тусгасан байгааг анхаарч сайжруулах хэрэгтэй