Улсын Их Хурлын Төсвийн зарлагын хяналтын дэд хороо хуралдлаа. Уг хуралдаанаар “Гэрт ойрхон сургууль-хамгийн сайн сургууль” арга хэмжээний талаар Боловсролын сайдын мэдээллийг сонслоо.

Үүнтэй холбогдуулан УИХ-ын гишүүн Р.Сэддорж байр сууриа илэрхийллээ.

Өнөөдөр чухал уулзалт болж байна. Боловсролын яамныхан байгаа учраас хуулийнхаа талаар ярья. Бид зорилт тавиад малчин өрхийн 1, 2 дугаар ангийн хүүхдүүдийг хувилбарт сургалтаар сургая гээд зориод явж байгаа. Энэ ажил дээр Боловсролын яамныхан сайн ажиллаж байгаа. Эхний 2 аймаг буюу Дундговь аймаг, Өмнөговь аймгаас эхлээд явж байгаа. Та бүхэн маань анхаарал тавьж сайн ажиллаарай. Нэг сумаас гэхэд л 4 айл зөвшөөрч байна гэсэн. 4 айлын гэр бүл салж сарнихгүй, нэг дороо зардал нь хэмнэгдээд сурахад болохгүй юм байхгүй. Дэлхийн газар нутаг томтой Австрали, АНУ, Канад, Финлянд, Тайвань гэсэн орнууд дээр судалгаа хийгдээд дүн гарлаа. УИХ-ын гишүүдэд өнөөдрөөс ингээд тарааж байна. Хоум Бест Эдүкэйшн систем дэлхийн улс орнуудад маш эрт бий болсон. Гэрт суурилсан боловсролоор сурч байгаа хүүхдүүд маш сайн сурдаг.

Тэндээс гарсан дэлхийн том том нөлөө бүхий хүмүүсийн жагсаалтууд байдаг юм байна. Улс орнууд хүүхдүүдээ сайн хамгаалдаг юм байна. Эцэг эхчүүдийг нь давхар сургаж хуулиар хамгаалдаг юм байна. Малчид, хилчид, гадаадад байгаа 300 мянган монголчууд маш их баяртай байгаа. Жоохон эрх чөлөө олгоод энэ хувилбарт холимог хөтөлбөрөө бушуухан батлаад өгөөч гэж. Үүн дээр Боловсролын яамныхан сайн анхаарч байгаад баярлалаа. Энэ хуулийн хэлэлцүүлэг эхлэх гэж байна. Нэгийн даваагаа давчихсан. Удахгүй УИХ дээр ажлын хэсэг байгуулагдана. Хөгжлийн бэрхшээлтэй иргэд үүнийг маш дэмжиж байгаа. Ингэхдээ бид заавал 5 өдөр хүүхдээ сургууль руу зөөх шаардлагагүй, 2 өдрийг нь гэрээсээ сургадаг болчихвол хүүхдээ маш сайн сургана гэж байгаа. АНУ-д 3 сая 400 мянган хүүхэд 80% гэрээсээ, 20 хувь танхим гэсэн тогтолцоогоор суралцаж байна. Энэ манай лсад бүрэн хэрэгжих боломжтой.

Р.Сэддорж: Малчин, хилчин өрхүүд, гадаадад ажиллаж, амьдарч буй гэр бүл хүүхдийн боловсролын уян хатан, хүртээмжтэй хувилбарыг дэмжиж байна!