өдрийн хуралдаанаар хэлэлцсэн хоёр дахь асуудал нь Шүүх байгуулах тухай хуульд нэмэлт, өөрчлөлт оруулах тухай хуулийн төсөл, Шүүгчийн орон тоо тогтоох тухай, Тогтоолын хавсралтад нэмэлт оруулах тухай УИХ-ын тогтоолын төслүүдийг хэлэлцэх эсэх тухай асуудал байв.

Шүүх байгуулах тухай хуульд нэмэлт, өөрчлөлт оруулах тухай хуулийн төсөлд Өмнөговь аймгийн зүүн талын Баян-Овоо, Манлай, Ханбогд, Цогтцэций сумдын нутаг дэвсгэрийн хэрэг маргааныг харьяалсан сум дундын 2-р шүүхийг Ханбогд сумын төвд байгуулахаар тусгажээ. Шүүх байгуулах тухай хуульд нэмэлт, өөрчлаөлт оруулж, Өмнөговь аймаг дахь сум дундын 2-р шүүхийг шинээр байгуулахтай холбогдуулан тус шүүхийн шүүгчийн орон тоог нэг Ерөнхий  шүүгч, таван шүүгчтэй байхаар тогтоож, Ханбогд, Гурвантэс сумдад Сум дундын прокурорын газар шинээр байгуулахаар заасан байна.

Ж.Энхбаяр гишүүн төслийг дэмжиж байгаагаа илэрхийлээд хүн амын нэлээд төвлөрөл бий болсон хэдий ч төрийн бусад үйлчилгээний байгууллага байгуулах зайлшгүй шаардлага байгаа эсэхийг лавлаад гадны ажиллах хүчний бөөгнөрөл их, хэрэг зөрчил  олон гарч байгаа нөхцөлд хүчний байгууллагуудыг зайлшгүй бэхжүүлж, орон тоог нь нэмэх ажлыг шинэ түвшинд гаргах зайлшгүй шаардлагатай байгааг анхааруулав.