2012.11.13 | Сонин: Ардчилал

Ц.Оюунбаатар, Д.Сарангэрэл нар УИХ-ын гишүүний тангарагаа өргөнө

Ц.Оюунбаатар, Д.Сарангэрэл нар УИХ-ын гишүүний тангарагаа өргөнө
Д.Сарангэрэл - МАН-ын нарийн бичгийн дарга

Парламентад эзэнгүй суудлын тоо нэгээр нэмэгдэж зургаа болсон. Учир нь, МАН-ын жагсаалтаар УИХ-ын гишүүн болсон У.Хүрэлсүх бүрэн эрхээсээ татгалзсан билээ.

Тус намынхан нарийн бичгийн дарга Д.Сарангэрэлийг түүний оронд парламентад оруулж ирэхээр зэхэж буй. СЕХ-нд ч энэ тухайгаа мэдэгдсэн байгаа.

Ингээд түүнийг энэ сарын 20-нд УИХ-ын гишүүний тангаргаа өргүүлэхээр болж байгаа аж.

Одоогоор түр завсарлуулчихаад буй УИХ-ын нэгдсэн чуулган энэ сарын 20-ны мягмар гарагт эхлэх юм.

Харин МАХН-МҮАН-ын “Шударга ёс” эвслийн жагсаалтаар УИХ-ын гишүүн болох эрхээ өвөртөлчихөөд буй Ц.Оюунбаатар хэзээ тангаргаа өргөх бол гэсэн хүлээлт иргэдийн дунд хэдийнэ үүссэн байгаа.

Түүнтэй холбогдож энэ талаар тодруулахад “Орон нутгийн сонгуулийн дараа УИХ-ын гишүүний тангаргаа өргөхөөр ярьж байгаа” гэсэн хариу өглөө.

Юутай ч, энэ сард, намрын чуулганы үеэр шинэхэн гишүүдийн тоо хоёроор нэмэгдэх нь. 

0ЭКСПЕРТсэтгэгдэл
Сэтгэгдэл оруулахын тулд та хэрэглэгчийн эрхээр нэвтэрнэ үү.
Экспертүүдийн сэтгэгдэл
Одоогоор сэтгэгдэл нэмэгдээгүй байна.