“Өмчтэй Монгол Залуу” залуучуудад зориулсан орон сууцны нээлттэй хэлэлцүүлэг  болсон.

Тухайлбал, “Монгол улсын төрөөс орон сууцны талаар баримтлах бодлого”, “Бодлогын хэрэгжилт”, Зээлтэй залуу нас, Залуучуудыг орон сууцжуулах гадаадын туршлага, жишээ, Оюутны байр, “Шинэ гэр” төсөл, “Орон нутаг дахь орон сууцны асуудал” “Авлигагүй орон сууц” төсөл зэрэг сэдвүүдээр холбогдох албаныхан илтгэл тавьж, харилцан санал солилцсон юм.

Монгол залуусруугаа чиглэсэн, нийгмийн хариуцлагаа хэрэгжүүлсэн 1600 гаруй орон сууц, 100 гаруй үйлчилгээний төвийг өөртөө багтаасан Вива Сити  буюу “Шинэ гэр” төслийн талаар танилцуулсан MCS Пропертийз Холдинг компанийн Бизнес хөгжил хариуцсан дэд ерөнхийлөгч Н.Энхболдтой ярилцаж тодрууллаа.

.-Шинэ гэр төслийн талаар юуны өмнө танилцуулаач?

Яармагийн гүүрний баруун талд Нисэх орох замд баригдаад дууссан Вива сити гэдэг хороолол маань нийт 120 мянга орчим мкв талбайд барилгажилт хийгдсэн. 1650 айлын 20-60 мкв  бүхий залуучуудад зориулсан орон сууцны хороолол байгаа.

Зээлийн хүү сардаа 270-450 мянган төгрөгийн хооронд буюу байрных нь мкв-аас шалтгаална.

Цогцолбор хороолол гэж бид нэрлэсэн. Зөвхөн орон сууцнаас гадна худалдаа үйлчилгээний төв, нийгмийн халамжийн үйлчилгээний байгууллагууд, орчны тохижилтыг иж бүрнээр шийдсэн цогцолбор хороолол юм.

.-Сургууль цэцэрлэгийн барилгын асуудлыг ч шийдсэн үү ?

Цэцэрлэг бол байгаа. Гэхдээ хангалттай биш гэдэг нь мэдээж. Сургууль барих хүсэлтээ нийслэлийн болон боловсролын газрын холбогдох байгууллагуудад  хүсэлт тавьсан.

.-Шинэ гэр төслийн давуу тал юу вэ?

Хамгийн гол нь залуучуудад зориулсан. Залуучууд бүгд л байртай, машинтай, сайхан амьдрахыг хүсч, зорьж яваа. Тэдний хувьд хуримтлал бага, орлогын хувьд өндөр биш байдаг. Тийм болохоор залуучууд маань хямд үнэтэй байр хайдаг.

Хямд үнэтэйгээс гадна урьдчилгаа төлбөр бага, зээлийн хүү багатай байх гээд маш уян хатан нөхцөлтэй байх ёстой. Бид энэ бүх нөхцлийг нь хангаж өгсөн. Манай хорооллын байруудад орж байгаа залуучууд дээд тал нь 10-20 хувийн урьдчилгаа төлбөр төлсөн.

Зээлийн хүү сардаа 270-450 мянган төгрөгийн хооронд буюу байрных нь мкв-аас шалтгаална. Энэ нь банкныхаа нөхцлөөр сарын 600 мянган төгрөгөөс дээш цалинтай залуучууд хангалттай төлөөд явах боломжтой моргейжийн зээлийн нөхцөл юм.

.-Залуучууд хуримтлал бага байдаг гэж түрүүн хэлсэн. Урьдчилгаа төлбөр, барьцаа хөрөнгийн асуудлыг хэрхэн шийдсэн бэ?

Бид орон сууц сонирхсон залуу гэр бүл манай дээр ирж, захиалга өгөх үед нь бид аль болох дэмжих бодлого барьсан. Тийм тийм нөхцлийг хангасан байх ёстой гэсэн манай харилцагч банкны ерөнхий шаардлагыг эхэлж харах нь мэдээж.

Тэр шаардлагыг хөнгөвчилж, нийгмийн хариуцлагыг хэрэгжүүлэх үүднээс урьдчилгаа төлбөрийн 10-20 хувийг, мөн банкны зээлтэй үлдэгдэл төлбөртэй захиалагчид уян хатан хандсан. Хамгийн гол нь оршин суух захиалга өгсөн залуусыг барьцаа хөрөнгө батлан даах үүргийг манай MCS Пропертийз Холдинг ХХК хариуцаж, захиалагчдынхаа батлан даагч нь болсон.

.-Таны илтгэлд дурьдсанаар айл бүрт тавилга, эд хогшлыг хамтад нь шийдэж өгч байгаа, залуучууд шинэ гэртээ зөвхөн чемоданаа аваад л нүүж орж болно гэж танилцуулсан. Энэ тухайгаа тодруулаач?

Бид шинэ барилга гэдгийг ингэж л тодорхойлж байгаа. Хямд үнэтэй гээд хямдхан чанартай байна гэсэн үг биш. Чанар муутай барилга байх ёсгүй. Хямд гэдгийг бид ухаалаг төлөвлөлтөөр шийдэхийг зорьсон. Амьдрах байр гэсэн бүтээгдэхүүнийг мкв талаас нь хараагүй.

Залуусын амьдрах орон гэрийг нийт дүнээр нь хямд байх бодлого баримталсан. Үүний тулд бид мкв-ийг нилээн хэмнэсэн, ашигтай талбайг зөв зохион байгуулж, ашиггүй талбайг багасгасан. Нийтийн эзэмшлийн талбайг ч багасгасан.

Залуусын амьдрах орон гэрийг нийт дүнээр нь хямд байх бодлого баримталсан.

Хуучны орон сууцнуудын орц, нийтийн эзэмшлийн талбай нь маш том, харанхуй, оршин суугч орцондоо ороход айхаар байдаг. Харин манай хороололд орц гэхэд зөвхөн шат, айл хоорондоо буюу 7-8 айл дундаа эзэмших коридороос бүрдэж байгаа.

Энэ нь нийтийн эзэмшлийн зай талбайг хэмнэхээс гадна тухайн орон сууцныхаа хямд өртөгт нөлөөлж байгаа юм. Байрны мкв-ийн талбай гэдэгт нийтийн эзэмшлийн зай талбайн үнэ өртөгийг барилгын компаниуд нэмж тооцдог. Энэ бүхнийг л бид маш оновчтой шийдлээр хийсэн. Мөн хамгийн чухал асуудал болох шинэ орон сууц худалдаж авсан залуус гэрээ тохижуулах хэрэг гардаг.

Зурагт авъя гэхэд залуучууд учир LCD сонирхоно. Угаагын машинтай байя, IP TV  үйлчилгээ авъя гээд л залуусын хүсэл хязгааргүй. Тэр хэмжээгээр зардал маш их гардаг. Байранд орсноосоо илүү нь ядардаг, зардал их гардаг.  Бид энэ бүхнийг цогцоор нь шийдээд бүх зүйлийг байрных нь үнэд багтааж, дээр нь цахилгаан хэрэгсэлийг нь бэлэг болгон өгч байгаа.

Тэгснээр манай байранд орсон залуу хүн орон сууц худалдаж, аваад тохижуулах гэж зардал чиргэдэл болохгүй, нэг л үндсэн зээлийн хүүгээ төлөөд явах юм. Оршин суугчдын 90 орчим хувь нь байраа захиалаад орчихсон байгаа.

Хотхон маань ашиглалтад ороод, улсын комисст хүлээлгээд өгчихсөн. Улирлын байдлаас болоод орчны тохижилт одоо хийнэ. Энэ зундаа манай хотхон жинхэнэ хаанаас хэн ч ирсэн цагаа  зөв боловсон өнгөрүүлэх хороолол  бий болж байна.

.-Залуусыг дэмжсэн энэхүү “Шинэ гэр” төсөлд хамрагдаж, танай хорооллын байрнаас худалдаж авах боломж хэр байна. Учир нь олон олон залуус ийм боломжийн нөхцөлтэй орон  сууцанд амьдарч, цалингаараа зээлээ төлөөд явах хүсэлтэй байгаа болов уу?

Харамсалтай төслийн хүрээнд баригдсан орон сууцнууд цөм захиалга хийгдчихсэн. Илтгэл тавих үед хэлэлцүүлэгт оролцогч залуус яагаад  “Шинэ гэр” төслийн талаар олон залуучууд мэдэхгүй өнгөрсөн юм бэ гэж асууж байна.  Манай төслийн хувьд 1650 айлынорон сууц гэдгээрээ төлөвлөсөн.

Тодорхой чиглэлийн барилгын үзэсгэлэнүүдэд оролцож,  төслөө сурталчилсан. Сурталчилсанаас ердөө 2- 3 сарын дотор захиалга хийгдээд дууссан. Залуучуудын жинхэнэ хүсэж мөрөөдөж байгаа зүйлийг нь шийдсэн гэдэг нь харагдаад байгаа л даа.

.-Тэгвэл залууст зориулсан дараагийн хорооллыг хэзээ барих вэ?

Төслийг үргэлжүүлж, залууст зориулсан шинэ хороолол дахин барина  гэвэл төрөөс бднийг ибодлогоор дэмжих дэмжлэг хэрэгтэй. Дэмжлэгийг бид гурван зүйлээр томъёолж байгаа. Нэгдүгээрт, газрын асуудал. Газар маань залуу хүн амьдрах боломжтой, хотын төвтэйгээ ойрхон, дэд бүтэц хөгжсөн газар байх ёстой.

Хоёрт, дулааны, цахилгааны, усны сүлжээнээс гадна автозамын дэд бүтэц, нийгмийн халамжийн дэд бүтэц гээд бүгд байх ёстой. Энэ бүх зүйл нь мэдээж дэд бүтцийн байгууллага, нийслэл болон холбогдох яамдуудын зүгээс үзүүлэх дэмжлэг байна.

Энэ дэмжлэг маш чухал. Хамгийн сүүлд төлбөрийн таатай нөхцөл, моргейжийн асуудал. Сүүлд 8 хувийн моргейжийн зээл гаргах гээд нийгэмд хүлээлт үүсгээд байнэ. Энэ бол залуучуудыг байртай болгоход нөлөөлж буй том хүчин зүйл гэж бодож байна.