Монголын үнэт цаасны арилжаа эрхлэгчдийн холбооноос УИХ-ын хаврын чуулганаар хэлэлцэгдэж буй “Үнэт цаасны зах зээлийн тухай” хууль, “Баянмонгол компаний тухай” хуулийн талаар мэдээлэл хийлээ.

Тэдний мэдээлэл хийх болсон нь төрийн байгууллагуудын уялдаа холбоогүй ажиллаж байгаа түүнчлэн шинээр батлах гэж буй хууль нь хууль биш журам шиг болсон, нөхцөл байдлыг судлалгүйгээр одоо мөрдөгдөж буй хуулиудыг зөрчсөн хууль батлах гэж байгаатай холбоотой гэнэ. Энэ талаар:

Монголын үнэт цаасны арилжаа эрхлэгчдийн холбооны Удирдах зөвлөлийн дарга Ж.Цэдэнрагчаа

Монголын үнэт цаасны арилжаа эрхлэгчдийн холбооны ТУЗ-ын дарга

-УИХ хууль зөрчиж хууль батлаад байна. Батлах гэж буй хуулийнхаа хүрээнд судалгаа хийдэггүй, тухайн салбарт ажиллаж буй мэргэжилтнүүдийн санал бодлыг сонсохгүй байна. Шинээр батлах гэж буй “Үнэт цаасны зах зээлийн тухай” хууль яг л журам шиг болсон байна. Хуульд хэрэгцээгүй заалтууд маш их байна. Хэрэв хуулийг ингэж батлаад байвал энэ зах зээл яаж хөгжих юм бэ.

Жишээлбэл, үнэт цаасны танилцуулгыг хэрхэн боловсруулахыг тусгасан байна. Үүнийг журмаар зохицуулна шүү дээ. Гэх мэт олон зүйл байна. Хэрэв бүх зүйлийг ингээд хуульчилчих юм бол энэ хуулийн үйлчлэл зах зээлд сөргөөр нөлөөлсөн тохиолдолд тэр бүрд хуулиа засах болж байна уу. гэсэн юм.

Түүнчлэн системийн шинэчлэл хийсэн Хөрөнгийн бирж нь өнөөдөр 10 сая төгрөгийн худалдаа хийж байгаа. Хөрөнгийн биржийн зах зээлийг дэмждэггүй, хууль эрхзүйн орчин муу учраас томоохон компаниуд Монголын биш гадаадын хөрөнгийн бирж дээр гарч байгаа шалтгаан болж байгаа талаар хэлж байсан юм.

Тэд Хөрөнгийн биржийн үйл ажиллагааг сайжруулахын тулд “тогоон дотор” нь байгаа компаниудын санал хүсэлтийг авч байхыг, бодит байдалд нийцсэн зөв зүйтэй хууль батлахыг хүссэн юм.