УИХ-ын Хууль зүйн байнгын хорооны гишүүд шүүх, прокурор, цагдаа зэрэг хууль, хяналтын байгууллагын үйл ажиллагаатай танилцаж, хууль зөрчигдөж байгаа эсэхэд хяналт шалгалт хийх санал гаргажээ.

Тухайлбал, УИХ-ын гишүүн О.Баасанхүү, Ц.Оюунбаатар нар урьдчилан хорих анги болон ШШГЕГ нь хохирогчийн хохирлыг хэрхэн барагдуулж буй эсэхэд, УИХ-ын гишүүн Ж.Батзандан Хил хамгаалах ерөнхий газарт,

УИХ-ын гишүүн З.Баянсэлэнгэ Улсын бүртгэлийн ерөнхий газар, Архивын ерөнхий газар, Цагдаагийн ерөнхий газарт тус тус шалгалт хийх санал гаргасан байна.

Иргэдийн эрх ашиг зөрчигдөж буй, тулгамдсан асуудалтай газруудыг шалгах нь зүйтэй.

Түүнчлэн Хууль зүйн байнгын хорооны гишүүдээс Оюуны өмчийн газар, Улсын Дээд шүүх зэрэг байгууллагад ч шалгалт хийх санал гаргажээ.

Гишүүдийн үзэж буйгаар дээрх байгууллагуудад хяналт, шалгалт хийх нь хуульд харшлах зүйлгүй, иргэдийн эрх ашиг зөрчигдөж буй, тулгамдсан асуудалтай газруудыг шалгах нь зүйтэй гэнэ.

Энэ ажлыг зохион байгуулахдаа нарийн төлөвлөж, удирдамжаа тодорхой гаргаж, ажлын хэсэг байгуулахаар байнгын хорооны гишүүд санал нэгдлээ.

Гишүүд хуулийн байгууллагуудад шалгалт хийнэ

Гишүүд хуулийн байгууллагуудад шалгалт хийнэ