Ганбаатар.С 2013.10.16 | Сайт: News.mn

C.Ганбаатар 1 сая 648 мянган төгрөгийн цалинтай

C.Ганбаатар 1 сая 648 мянган төгрөгийн цалинтай
УИХ-ын гишүүн С.Ганбаатар

УИХ-ын гишүүн С.Ганбаатар өнөөдөр  гишүүн болсноосоо хойш зарцуулсан төсөвт зардлаа тайлагналаа. УИХ-ын  гишүүний төсөв нь  гишүүний өөрийн  төсөв, нийтлэг үйлчилгээний зардал гэсэн бүрдэлтэй, нэг гишүүн жилд 100 сая төгрөгийг зарцуулах боломжтой  аж.

Тэрээр  сардаа нэг сая 267 мянган төгрөгийн үндсэн цалин, онцгой нөхцөлийн нэмэгдэл 30 хувь гээд нийтдээ нэг сая 648 мянган төгрөгийн цалин авдаг  гэнэ.

70 сая төгрөгийн үнэтэй угсармал бетонон орон сууц, 17 сая төгрөгийн үнэ бүхий 2011 оны Toyota RAV-4 автомашинтай.

Гишүүний зарцуулах боломжтой мөнгөн төсвөөс 67 сая 592 мянган  төгрөгийг үндсэн цалин, туслах, зөвлөхийн цалинд, 32 сая төгрөгөөс албан томилолт, унаа, мэдээлэл сурталчилгаа, зочны хүлээн авалт, ном хэвлэл, гадаад арга хэмжээний бэлэг  дурсгал зэрэгт зарцуулжээ. Үүнээс 10 сая төгрөгийг нь хуулийн төсөл боловсруулахад  зарцуулсан  байна.

Түүний хувьд өөрийн эзэмшлийн газаргүй, өвлөж авсан гурван сая 500 мянган төгрөгийн үнэ бүхий хөөрөг,  70 сая төгрөгийн үнэтэй угсармал бетонон орон сууц, 17 сая төгрөгийн үнэ бүхий 2011 оны Toyota RAV-4 автомашин, хурдан удмын гурван адуу, 50 шүхэр, 30 ямаатай гэж хөрөнгө орлогын талаараа хэвлэлийнхэнд дуулгав.