Баасанхүү.О Ганбаатар.С 2013.10.17 | Сайт: News.mn

Урт нэртэй хуулийн төслийг эргүүлэн татахыг хүслээ

Урт нэртэй хуулийн төслийг эргүүлэн татахыг хүслээ
УИХ-ын гишүүн С.Ганбаатар, Б.Бат-Эрдэнэ, О.Баасанхүү нар

УИХ-ын гишүүн О.Баасанхүү, Б.Бат-Эрдэнэ, С.Ганбаатар нар УИХ-ын чуулганы хуралдаанаар хэлэлцэхээр төлөвлөгдсөн Урт нэртэй хуулийг дагаж мөрдөх журмын тухай хуульд нэмэлт өөрчлөлт оруулах төслийг эргүүлэх татахыг шаардлаа.

Намрын чуулганы хуралдаан эхэлсэн өдрөөс эхлэн Урт нэртэй хуульд нэмэлт өөрчлөлт оруулах төсөл асуудал дагуулж, иргэний хөдөлгөөнийхөн хүртэл хуульд нэмэлт өөрчлөлт оруулахыг эсэргүүцэж буй.

Тэгвэл О.Баасанхүү, Б.Бат-Эрдэнэ, С.Ганбаатар нарын хувьд Урт нэртэй хуулийг дагаж мөрдөн журмын тухай хуульд нэмэлт өөрчлөлт оруулахыг эсэргүүцэж, татаж авахыг шаардаж байгаа аж.

Учир нь "Урт нэртэй хуульд цэг, таслал оруулахгүй гэж байгаа ч дагаж мөрдөх журмын" тухай хуулийн нэмэлт өөрчлөлтөөр өмнөх хуулиа бүрэн үгүйсгэх болно. Тиймээс Засгийн газар энэ хуулиа эргүүлэн татаж авах хэрэгтэй" хэмээн байр сууриа илэрхийллээ.

Шалгалтын үеэр  2012 оны есдүгээр сарын 28-ны 03 тоот байгуулсан ажлын хэсгээр гарсан зөрчлүүд арилаагүй бөгөөд өмнөх зөрчил хэвээрээ байжээ.

Урт нэртэй хуулийн судлах ажлын хэсэгт УИХ-ын гишүүн О.Баасанхүү, Б.Бат-Эрдэнэ, С.Ганбаатар орж байгаа бөгөөд ажлын хэсгийнхэн Баянхонгор, Өвөрхангай, Архангай аймгуудын сумдад байдаг алтны уурхайд очиж ажилласан байна.

Шалгалтын үеэр  2012 оны есдүгээр сарын 28-ны 03 тоот байгуулсан ажлын хэсгээр гарсан зөрчлүүд арилаагүй бөгөөд өмнөх зөрчил хэвээрээ байсан байна.  Засгийн газраас алтны худалдааг нэмэгдүүлэх зорилгоор уг хуульд өөрчлөлт оруулах шаардлагатай гэж үзэж, ээлжит бус чуулганы үеэр хэлэлцүүлэхээр болсон.

Гэвч УИХ дахь зарим намын бүлэг энэ хуульд өөрчлөлт оруулах эсэх нь зөв үү гэдэг дээр байр сууриа нэгтгэж, эргэж нягтлах зүйл байна гэснээр түр хугацаагаар хэлэлцэхийг нь хойшлуулсан.

УИХ-ын даргын захирамжаар энэхүү хуулийн хүрээнд Д.Арвин гишүүнээр ахлуулан ажлын хэсэг байгуулж, гол мөрний эх газарт үйл ажиллагаа явуулж байгаа компаниудтай эхнээс нь танилцаж, судлах шаардлагатай гэж үзсэн.