УИХ-ын намрын ээлжит чуулганаар Монгол Улсын 2013 оны төсвийн тухай хуульд өөрчлөлт оруулах тухай, Нийгмийн даатгалын сангийн 2013 оны төсвийн тухай хуульд өөрчлөлт оруулах тухай, Хүний хөгжил сангийн 2013 оны төсвийн тухай хуульд өөрчлөлт оруулах тухай хуулийн төслийг хэлэлцсэн. Энэ үеэр үг хэлсэн гишүүдийн байр суурийг хүргэж байна.

УИХ-ын гишүүн О.Баасанхүү:

“Авлигажсан төсөв гэдэг нь өөрөө гэмт хэрэг учраас ажлын хэсэг дээр нь шалгалт хийх нь зөв. Тиймээс энэ асуудалд хяналт тавих ажлын хэсэг байгуулах хэрэгтэй.

Ер нь ажлаа хийдэггүй, мэддэггүй байнгын хороодын  дарга нарыг солих хэрэгтэй. Мөн “том толгойтой” Засгийн газартай болж нэг жилийг үзлээ. Холбогдох үүрэг бүхий газрууд нь ч Засгийн газрын тэргүүнээ үл ойшоодог болчихлоо”.