Тендерийн хяналт алдагдсанаас хээл хахууль, хүнд суртал зэрэг олон асуудлыг үүсгэх болсон. Тэгвэл энэ асуудлыг цэгцлэхийн тулд тендерийг цахим хэлбэрт шилжүүлэх ажил эхэлжээ.

Монголын тал гадны зарим улсаас туршлага судалж, уулзалт зохион байгууллаа. Тендерийн уламжлалт хэлбэрээс татгалзсанаар жижиг, дунд үйлдвэрлэлийг хөгжүүлэх боломж нэмэгдэнэ гэж харж байна.

Оролцогчдын хүрээ нэмэгдэх сайн талтай.

Худалдан авах ажиллагааны газрын дэд дарга Р.Булгантамир: Банкны баталгаа, тусгай зөвшөөрлийн хуулбар, татварын өргүй бичиг гээд баахан цаас хэвлэж, авчирч өгдөг.

Мөн өрсөлдөж буй ажлынхаа талаар санал зэргээ бичгээр авчирдаг. Түүнийг бичгээр биш онлайнаар авдаг болж байгаа гэсэн үг гэлээ.

Энэ хүрээнд хууль эрх зүйн шинэчлэлийг хийж эхэлсэн байна. Хаана, хэдэн төгрөгийн тендер болох гэж байгаа талаарх мэдээлэл бүх нийтэд ил болно. Мөн оролцогчдын хүрээ нэмэгдэх сайн талтай юм.