Гарамгайбаатар.Б 2013.12.27 | Сайт: MMinfo.mn

Төрөөс эрдэс баялгийн салбарт баримтлах бодлогын эцсийн хэлэлцүүлгийг хийлээ

Төрөөс эрдэс баялгийн салбарт баримтлах бодлогын эцсийн хэлэлцүүлгийг хийлээ
Эдийн засгийн байнгын хорооны өнөөдрийн хуралдаан

УИХ-ын Эдийн засгийн байнгын хорооны өнөөдрийн хуралдаанаар Төрөөс эрдэс баялгийн салбарт баримтлах бодлого батлах тухай УИХ-ын тогтоолын төслийн эцсийн хэлэлцүүлгийг хийлээ.

Хуралдаанаар ажлын хэсгийн санал, дүгнэлттэй холбогдуулан гишүүд асуулт асууж,   ажлын хэсгээс гаргасан саналын томьёоллуудаар санал хураалт явууллаа.

Эрдэс баялгийн салбар дахь төрийн оролцоог бүртгэл, зөвшөөрөл, хяналтын төвшинд чадавхижуулж, ашигт малтмал эрэх, хайх олборлох үйл ажиллагаанд түүний оролцоог хязгаарлах. Мөн  үндэсний аюулгүй байдал, байгаль, экологийн тэнцвэртэй байдал, хойч үеийн ашиг сонирхолд нийцүүлэн ашигт малтмалын зарим төрөл, ордыг нөөцлөн хадгалах зэрэг заалтууд дэмжлэг хүлээсэн юм.

 Эрдэс баялгийн бодлогоор хөрөнгө оруулалтын таатай орчныг бүрдүүлж байгаа ажээ. Уул уурхайн салбарыг олон улсад өрсөлдөх чадвартай байлгахын тулд хувийн хэвшил, хөрөнгө оруулагчдыг дэмжих нь зүйтэй гэдгийг гишүүд хэлж байсан юм.