Хэнтий аймгийн ИТХ-ын Тэргүүлэгчид хуралдан тогтоол гаргаж орон нутгийн төсөвт тодотгол хийлээ. Энэ удаагийн төсвийн тодотголоор орлогыг 60,0 сая төгрөгөөр нэмэгдүүлж, орон нутгийн нөөц санг 60,0 сая төгрөгөөр тодотгосон байна. Мөн боловсрол, эрүүл мэндийн салбарын төсөв санхүүгийн хүндрэлтэй байдал цалин, нийгмийн даатгалын шимтгэл болон бусад зардлын өрийг барагдуулах зорилгоор боловсролын салбарт 274,8 сая төгрөг, эрүүл мэндийн салбарт 27,0 сая төгрөг, нийт 301,8 сая төгрөгийг зардлын бүлэг хооронд шилжүүлэн зохицуулж өгсөн байна.