Хууль зүйн сайд Х.Тэмүүжинг огцруулах эсэх, асуудал тодорхойгүй хугацаагаар хойшлоод байсан бол УИХ-ын дарга дээрх асуудалтай холбогдуулан тусгай хяналтын хороог хуралдуулж хууль зүйн байнгын хорооны гишүүдийг мэдээллээр хангахыг үүрэгджээ.

Харин үдээс хойш /2014.04.24/ хууль зүйн байнгын хороо хуралдаж хууль зүйн сайдыг огцруулахыг дэмжсэн байна.

УИХ-ын гишүүн О.Баасанхүү хууль зүйн сайдыг огцруулах гурван үндэслэлээ танилцуулсан. О.Баасанхүү нь төрийн тусгай албан хаагчдын эмнэлгийг зориулалтын бусаар ашиглуулж, 3.2 тэрбум төгрөгийн үнэтэй аппаратыг эвдэлсэн, өөрийн удирдаж байгаа салбараа доромжилсон, төрсөн хүүгээ 2012 онд найздаа үрчлүүлсэн ч нэг жилийн дараа буцаан авсан зэрэг ёс зүйгүй үйлдэл гаргасан гэдэг шалтгаанаар сайдын албаас нь огцруулах тогтоолын төсөл өргөн барьсан.

Өнгөрөгч долоо хоногийн Хууль зүйн байнгын хороогоор Х.Тэмүүжинг огцруулах, эсэх асуудал яригдах байсан ч Д.Ганбат гишүүн горимын санал гаргаснаар тодорхойгүй хугацаагаар хэлэлцэгдэх эсэх нь хойшилсон. Учир нь тэрээр хэлэлцэж буй асуудалтай холбоотой ямар ч мэдээлэл байхгүй гэж үзсэн. Харин их хурлын дарга тусгай хяналтын хороо нь мэдээлэл ирсэн учраас тус хороо хуралдаж Хууль зүйн байнгын хорооны гишүүдэд мэдээлэл өгөхийг үүрэгджээ.

УИХ-ын гишүүн Д.Ганбат: Энэ талаар Тагнуулын, хүчний, цагдаагийн байгууллагуудаас мэдээжийн хэрэг мэдээлэл ирсэн байгаа байх. Тэр мэдээлэлтэй танилцаад дараа нь зохих ёсны дагуу тусгай хяналтын хорооны мэдээллийг сонсох ёстой.

Хууль зүйн байнгын хороо хуралдаж хууль зүйн сайдыг огцруулахыг дэмжжээ