Өнөөдөр УИХ-ын чуулганы хуралдаар “Эмийн талаар төрөөс баримтлах бодлого батлах тухай” УИХ-ын тогтоолын төслийг хэлэлцэх эсэх шийдлээ.

Энэ үеэр зарим гишүүд санал хэллээ.

Д.Оюунхорол: Хяналтыг сайжруулах хэрэгтэй

Өнөөдөр монгол хүний амьд явах баталгаа алдагдаж байгаа, өвчлөл их байгаагын учир шалтгаан бол энэ хуурамч, чанаргүй, хяналтгүй эмнээс болж байгаа. УИХ-аар эмийн хяналтын тогтолцоог бий болгох гэж хууль оруулж ирээд хэрэгжүүлж чадахгүй бүтэн гурван жил болж байгааг би мэдэж байна. Бид хүний эрүүл мэндэд хайхрамгүй хайнга хандаж байгаа нь ийм байдалд хүргээд байна. Тиймээс энэ тогтолцоог нь бий болгоод, үүнийхээ дагуу ажиллаасай. 388 төрлийн хуурамч эм орж ирж байгаа тухай ЭМЯ-ны мэдээлэлд яригдаж байсан. Ийм ийм эм хуурамч байна гэдгийг ард түмэн мэдэхгүй байгаа мөнгөө төлөөд л эрүүл мэнд, эдийн засгаараа хохирч байгаа учраас үүнд л анхаарч, хяналтыг чангатгаж, хэрэгжүүлэх хэрэгтэй.

С.Ганбаатар: Чадан ядан босож байгаа компаниудаа битгий цохиж унагаач

Зайлшгүй шаардлагатай эмийн жагсаалтад орсон импортыг орлох бүтээгдэхүүн болон зүү тариурыг дотооддоо үйлдвэрлэхэд төрөөс дэмжлэг үзүүлнэ гэж ялангуяа шингэн, тариур дээр 60 хувь нь үндэсний үйлдвэрүүд нийлүүлж байгаа. Үүнийгээ цохиж унагаах гэж төрөөс мөнгө оруулахын оронд хамгийн их дутагдаж байгаа хиймэл бөөрний апрат, төр эмнэлэгийн өргөтгөл, 100 хувь гадаадаас хамааралтай байгаа сивингийн асуудал эдгээр рүүгээ төрөөс мөнгөө оруулсан дээр. Чадан ядан босож байгаа компаниудаа цохиж унагахын тулд төрөөс мөнгө оруулах аа больсон дээр байх гэсэн саналыг оруулж байна.

Чадан ядан босож байгаа эмийн үйлдвэрийн компаниудаа битгий цохиж унагаач