Батхүү.Ц 2014.12.31 | ХМА: Дүүрэг

Мэндчилгээ

Мэндчилгээ
Баянзүрх дүүргийн ИТХ-ын дарга Ц.Батхүү

Баянзүрх дүүргийн нийт иргэд, айл өрх, аж ахуй нэгж, байгууллагууддаа ирж байгаа 2015 оны шинэ жилийн мэндийг хүргэж, эрүүл энх, аз жаргалыг хүсэн ерөөе.

Гэгээлэг, өндөр бүтээмж,  өөдрөг үзэл, ажил хөдөлмөрийн арвин их үйлсээр энэ оныг Баянзүрхчүүд бид үдлээ. 
Дүүргийнхээ бүтээн байгуулалт, хөгжлийг түргэтгэхийн зэрэгцээ нийгмийг бүтээгч хүнээ хөгжүүлэх ажлын шинэ шинэ боломжуудыг нээн Засаг даргын дэвшүүлсэн 5Б дэд хөтөлбөрүүдийг хэрэгжүүлж айл өрх бүр ажилтай, орлоготой, аз жаргалтай амьдрах нөхцөл бололцоог бүрдүүлсэн, хийж бүтээхийн өрнүүн их ажил өрнөсөн жил байсныг онцлон хэлэхийг хүсч байна .  
Бидний дэвшүүлсэн санал санаачлага иргэдийнхээ оролцоотойгоор хэрэгжиж эхэлсэн төдийгүй бидний хамтын хүч, хөдөлмөр бодитоор биелэлээ олж эхлээд байна. Энэ үйлсэд иргэд та бүхний идэвхи санаачлага, оролцоо туйлаас чухал юм.
Бидний зорьсон зорилго тодорхой, хүрэх үр дүн нь илэрхий байж ирж буй шинэ ондоо улам ихээр хийж бүтээх өрнүүн хүсэл тэмүүлэлтэйгээр 2015 оноо угтлаа.
Баянзүрх дүүргийн бүтээлч иргэд та бүхэндээ ирж байгаа шинэ ондоо амжилт, бүтээлээр дүүрэн байж энх тунх байхын өлзийтэй ерөөлийг өргөн дэвшүүлье.

                БАЯНЗҮРХ ДҮҮРГИЙН ИРГЭДИЙН ТӨЛӨӨЛӨГЧДИЙН                                              ХУРЛЫН ДАРГА  Ц.БАТХҮҮ