Монгол хэлний хуулийн төслийг дараагийн хэлэлцүүлэгт шилжүүлэв
Монгол хэлний тухай хууль
2015.02.06

Монгол хэлний хуулийн төслийг дараагийн хэлэлцүүлэгт шилжүүлэв

Монгол хэлний тухай хуулинд “суралцагчдын дийлэнх олонх хүн амын өөр хэл бүхий үндэстний цөөнх байвал сургалтыг хос хэлний хөтөлбөрөөр явуулах бөгөөд хос хэлний хөтөлбөрийн агуулгыг батлах”, “үндэстний цөөнх монгол хэл болон эх хэл дээр боловсрол эзэмших, соёл, зан заншлаа өвлөх, шинжлэх ухааны үйл ажиллагаа явуулах нөхцөлийг бүрдүүлэх ажлыг зохион байгуулах” гэсэн заалтыг төсөлд тус тус нэмлээ.

УИХ-ын гишүүн Д.Батцогт Бид дөрөвдүгээр ангиасаа гадаад хэл сураад ирсэн дэлхий нийтийн хандлага нь хүүхдийг 11-н наснаас эхлэн гадаад хэл үзүүлдэг шинжлэх ухаанаар нотлогдсон ийм практик байдаг юм билээ.

Тэгэхээр гадаад хэлээр сургалт явуулдаг тусгай сургуулиудын эрхийг нь нээлттэй үлдээсэн ш дээ. Өнөөдөр бүгд яг тэр сургуулиуд шиг нэгдүгээрт гадаад хэл үзэх боломж байхгүй. Хоёрт өнөөдөр ирээдүйд улс орны удирдаж явах хүүхдүүд маань монгол хэл бичиг, соёлыг өв тэгш эзэмшиж чадахын муу гэдгийг хуульчилж өгч байгаа хууль шүү дээ

УИХ-ын гишүүн Д.Ганбат Ер нь нилээд амьдралд биелэгдэхээр юм яримаар байгаа юм л даа. Өнөөдөр тийм цаг хугацаа мөн үү. Арван жилийн дараа харахад энэ маань биелэгдэх үү үгүй юу. Түрүүн Ц.Нямдорж гишүүн өөрийнхөө хоёр хүүхэд дээр жишээ аваад ярьж л байна л даа.

Аливаа зүйл бол цаг хугацааны шалгарлыг давах ёстой. Хэрвээ бид энэ маягаар явах юм бол жинхэнэ монгол бичиг бол Тод, Соёмбо, бүр цаашилбал хадны бичгээ хэрэглэх шаардлагатай болох нь. Цаг хугацааны шалгарлаа даасан уу үгүй юу гэдэг нь чухал байна.

УИХ-ын гишүүн Л.Энх-Амгалан Бид нар бол Монголын төрийг тодорхойлогч нар. Дэлхийд өөрийнхөө соёл иргэншлийг бий болгосон цөөхөн үндэстнүүдийн нэг. Тэр соёл иргэншлээ бид цаашид хэрхэн авч явах вэ гэдэг асуудлыг бид өнөөдөр ярьж байгаа юм. Бид саяхан 2013 онд олон зууны уламжлалтай Монгол бичгээ ЮНЕСКО-д Монголчуудын хувь нэмэр гэж бүртгүүлсэн.  ЮНЕСКО-ийн өмнө Монголын төр, ард түмэн үүрэг хүлээсэн гэж би боддог.