Нэгдсэн хуралдаанаар хэлэлцсэн нэг асуудал Монгол хэлний тухай хуулийн төслийн эцсийн хэлэлцүүлэг байв. Нийгмийн бодлого, боловсрол, соёл, шинжлэх ухааны болон Төрийн байгуулалтын байнгын хорооны хамтарсан хуралдаанаар гаргасан санал, дүгнэлтийг УИХ-ын гишүүн Р.Гончигдорж танилцуулсны дараа гишүүд асуулт асууж, санал хэлсэн.

Гишүүдийн хувьд уг хуулинд нэлээд шүүмжлэлтэй хандаж байгаагаа чуулганы хуралдааны үеэр илэрхийлсэн юм.

УИХ-ын гишүүн, МАН-ын бүлгийн дарга С.Бямбацогт:  Ер нь энэ цаг үед уг хуулийг зайлшгүй яаран яаран хэлэлцэж батлах хэрэг байна уу. Намрын чуулган завсарлаж байх энэ үед. Бидэнд өөр шийдэх олон чухал асуудал байна.

Гэтэл дундуур орж ирээд заавал батална гээд байдаг. Энэ хууль хэзээ хэрэгжиж эхлэх вэ гэхээр 2025 оноос. 2025 оноос хэрэгжиж эхлэх хуулийг өнөөдөр бид батлаад байх шаардлага байгаа муу. Хууль чинь мэдээж нийтээр даган мөрдөх хэм хэмжээ байх ёстой. 

УИХ-ын гишүүн Д.Ганбат: Монгол хэл, бичгээ эсэргүүцдэг Монгол хүн гэж байхгүй л дээ. Гэтэл нухчин дарж байгаа маягаар их сонин хандах юм. Бид нар үүнийг яагаад зүтгүүлээд байгааг ерөөсөө ойлгохгүй байна. Өнөөдөр миний мэдэж байгаагаар даргын зөвлөлийн хурал дээр энэ асуудал ерөөсөө орж ирээгүй.

Батлагдаагүй байсан. Бид хүүхдүүдийн хувь заяа, ирээдүйгээр ингэж тоглож болохгүй. Туршилтаа хийсэн ш дээ. Энэ хуулиа татаад авчих. Ард түмний бухимдуулахаа боль”

Харин уг хууль хэзээ хэрэгжих талаар Боловсрол соёл шинжлэх ухааны сайд Л.Гантөмөр хэлэхдээ “ Ирэх оны элсэлтийн ерөнхий шалгалтын Монгол хэлний хичээлийн 25 хувь Уйгаржин бичгээр авна” гэж хэллээ.

Ингээд зарчмын зөрүүтэй саналын томьёоллуудаар санал хураалт явуулж дуусан хуралдаанд оролцсон гишүүдийн 66.7 хувийн саналаар Монгол хэлний тухай хуулийг баталлаа