Даатгал үүссэн цагаасаа эхлэн улс орны нийгэмд өөрийн гэсэн дэмжлэг, урьдчилан сэргийлэх үүргүүдийг гүйцэтгэж ач холбогдолтой байсаар ирсэн билээ.

Энэхүү салбарын хөгжилд өөрийн түүхэн үүрэг, хувь нэмэр оруулж, шинжлэх ухааны болон бизнесийн хөгжилд түлхэц үзүүлсэн, мөн нийгэмд даатгалын салбарын гүйцэтгэх үүргийг нэмэгдүүлэхэд хүчтэй нөлөөлсөн хүмүүсийг түүхэнд мөнхлөх, үйл хэргийг нь сурталчлах, хойч үед нь үлгэр жишээ болгох зэрэг үүднээс анх 1957 онд Доктор Жон С.Биклей үүсгэн санаачилсан байна. Өдгөө даатгалын салбарын хамгийн том, нэр хүнд бүхий байгууллага болох Олон Улсын Даатгалын Нийгэмлэгийн (International Insurance Society) жил бүрийн уулзалтаар гишүүдийн нууц санал хураалтаар уг алдарын танхимд залагдах хүнийг шалгаруулж өргөмжилдөг байна. 

"Алдарын танхим"-н анхны шагналтануудаас нь гэвэл 1957 онд алдарын танхимд залагдсан АНУ-ын даатгалын түүхэнд онцгой үүрэг гүйцэтгэсэн Бенжамин Франклин, 1962 оны шагналтан, даатгалын бүртгэл, зэрэглэлийг хөгжүүлсэн А.М.Best компанийг үндэслэгч  Алфред М.Бест, 1965 оны шагналтан "амьдралын даатгалын эцэг" гэж хүндлэгдсэн актуарч, математикч Жэймс Додсон, 1966 оны шагналтан орчин үеийн даатгалын тогтолцооны судлаач Германы нэрт эрдэмтэн доктор Алфред Манесаас гадна орчин үеийн даатгалын салбарт ажил үйлсээрээ манлайлан үлгэр жишээ ажиллаж байгаа АНУ-ын АIG компанийн гүйцэтгэх захирал Роберт Бенмош, Францын СКОР компанийн гүйцэтгэх захирал Денис Кесслер нарыг дурьдаж болно. Уг алдарын танхимийн музей нь Алабамагийн Их Сургууль дээр байршдаг бөгөөд энд шагналтнуудын амьдрал, бүтээлийг дэлгэн үзүүлсэн байдаг байна.

Нийтдээ 23 улсын 133 хүн энэ эрхэм шагналыг хүртэж түүхэнд нэрээ мөнхөлснөөс даатгалын хөгжлөөрөө тэргүүлэгч АНУ-аас хамгийн олон нь буюу 63 хүн (47%) алдарын танхимд заларсан байна.    

Одоогоор даатгалын салбарын "Алдарын танхим"-д мөнхлөгдөн үлдсэн алдартнуудыг он цагийн дарааллаар харуулбал:

Эдгээр шагналтнууд төрөн гарсан улс орнуудыг жагсаан харуулбал: