Даатгал 2015.06.19 | Сонин: Зууны мэдээ

Даатгагдсан компанийн бонд гаргана гэв

Даатгагдсан компанийн бонд гаргана гэв
Монголын хөрөнгийн бирж

Хөрөнгийн зах зээлийн хөгжлийг эрчимжүүлэх, шинэ бүтээгдэхүүн нэвтрүүлэх ажлын хүрээнд Монголын хөрөнгийн бирж, Монголын даатгагчдын холбоотой хамтран ажиллах санамж бичигт гарын үсэг зурлаа.

Үнэт цаасны зах зээлд санхүүгийн шинэ хэрэгсэл буюу даатгагдсан компанийн бонд нэвтрүүлэхэд хамтран ажиллах тухай санамж бичигт дурджээ. Мөн даатгалын нөөц сангуудад төвлөрсөн мөнгөн хөрөнгийг үнэт цаасны зах зээлд оруулах, даатгалын компаниудаас IРО хийхэд Хөрөнгийн биржээс мэргэжлийн дэмжлэг үзүүлэх аж. Тус байгууллагууд хамтарснаар санхүүгийн салбар тэнцвэртэй хөгжих боломж бүрдэнэ гэдгийг албаныхан онцолж байна.

Талуудын шинээр нэвтрүүлэхээр зэхэж буй “Даатгагдсан компанийн бонд” нь хөрөнгө оруулалтын эрсдэлийг бууруулах, компаниудын хөрөнгө босгох боломжийг өсгөх юм. Түүнчлэн даатгалын компаниудын даатгалын нөөц сангуудад төвлөрөөд буй 13 орчим тэрбум төгрөгийн мөнгөн хөрөнгөнөөс үнэт цаасны зах.зээлд оруулснаар хөрөнгө оруулалтын зохистой ажиллагааг дэмжих, дотоодын хөрөнгө оруулалтыг нэмэгдүүлэх, санхүүгийн салбарын хөгжилд чухал ач холбогдолтой гэлээ.