БСШУ-ны дэд сайд Я.Төмөрбаатар  БНПУ-аас Монгол Улсад суугаа Онц бөгөөд бүрэн эрхт элчин сайд Михал Рафал Лабенда тай уулзлаа.

Энэ үеэр Монгол Улсын Боловсрол,соёл, шинжлэх ухааны яам, Бүгд Найрамдах Польш Улсын Үндэсний Боловсролын яам хоорондын боловсролын салбарт хамтран ажиллах тухай Санамж бичгийг байгуулах талаар ярилцлаа. Мөн  багш солилцооны хөтөлбөр болон боловсролын чанарын үнэлгээний чиглэлээр хамтран ажиллах, хоёр улсын шинжлэх ухааны академи хамтран ажиллаж Монгол улсад Шинжлэх ухааны төв байгуулах талаар санал солилцлоо.  

Элчин сайд Михал Рафал Лабенда  уулзалтын үеэр Польшийн талаас 2016, 2017 онд  тус бүр нэг монгол оюутныг урлагийн чиглэлээр 100 хувийн тэтэглэгээр суралцуулна.  Цаашдаа  БНПУ-ын Засгийн газраас олгодог тэтгэлэгийн тоог нэмэх талаар түлхүү ажиллна гэдгийг онцолсон юм.