Нийслэлийн Багануур дүүргийн жижиг, дунд үйлдвэрийг дэмжих төвийн захирал Ю.Бямбаатай ярилцлаа. 

Багануур дүүргийн жижиг, дунд үйлдвэрлэгчдэд эргэлтийн хөрөнгө, борлуулалтын хувьд асуудал гардаг уу? 

2014 оноос дүүргийн томоохон ААН-үүдтэй бүтээгдэхүүн нийлүүлэх гэрээ байгуулан үйлдвэр эрхлэгчдийнхээ борлуулалтын сувгийг нэмэгдүүлэн ажиллаж байна. 2015 оны эхний хагас жилийн байдлаар нийт 20-д аж ахуйн нэгж байгууллага үйлдвэр эрхлэгчидтэй 108,154,000 төгрөгийн бүтээгдэхүүн нийлүүлэх гэрээ байгуулан   хамтран ажиллаж байна. Багануур ХК-тай 1733 ширхэг зуны ажлын 3 цехэд дамжлагаар үйлдвэрлэж, 50 хүнийг ажлын байраар ханган ажиллаж амжилттай дуусгаж нийлүүлсэн.

Багануурын оёдолчид байнгын захиалга, борлуулалттай байдаг боллоо. 

Түүнчлэн улсын болон олон улсын чанартай үзэсгэлэн худалдаануудад үйлдвэр эрхлэгчдийгээ хамруулах, бүтээгдэхүүнийг нь сурталчилах, аж ахуй нэгжүүдтэй холбож өгөх ажлуудыг зохион байгуулдаг. 2015  оны эхний хагас жилд бид нийт улсын чанартай 5, олон улсын 1 үзэсгэлэн худалдаанд үйлдвэр эрхлэгчдээ оролцуулж, дүүрэгтээ 1 үзэсгэлэн худалдаа зохион байгуулж нийт 6  үзэсгэлэн худалдаанд амжилттай  оролцлоо. Нийт 2015 оны эхний хагас жилд 6н удаагийн үзэсгэлэн худалдаанд: 48н үйлдвэр эрхлэгчид оролцож, 16,971,500₮-ний борлуулалт хийсэн. 

Үзэсгэлэн худалдаа

Мөн Монгол улсын хэмжээнд Багануур дүүрэгт үйлдвэр технологийн парк байгуулахаар зураг төсөл  нь гарчихсан. Миний бие Дүүргийн Иргэдийн Хурлын төлөөлөгчийн хувьд дүүргийнхээ үйлдвэр эрхлэгчдийг түлхүү оруулах саналыг тавьж амжилттай дэмжигдсэн.

Үүнээс гадна Үйлдвэр технологийн парк дотор зөвхөн манай дүүрэгт үйл ажиллагаа явуулдаг үйлдвэр эрхлэгчдэдээ зориулж  10 га газрыг батлуулаад байна.

Кластерын систем буюу хорших зохион байгуулалтын талаар сүүлийн үед их ярьж байна. Багануур дүүргийн хувьд энэ талын хандлага, ойлголт ямар байна вэ?

Манай үйлдвэрлэгчид кластерын системд орчихсон гэж хэлэхэд болно. Багануур ХК 1500 гаруй ажилчдын хувцсыг дүүргийнхээ оёдолчдын холбоогоор оёулдаг. Жижиг компаниуд нь том компанидаа бүтээгдэхүүн нийлүүлдэг. Жишээ нь орцонд ганц машинтай, ганцаараа хувцас оёдог хүн бусадтайгаа хоршоод ажилладаг байх жишээтэй. Түүнчлэн дүүргийн таван цэцэрлэг дүүргийнхээ газар тариалан эрхлэгчдээс хүнснийхээ ногоог хангадаг болоод хоёр жил боллоо. Энэ мэтээр хөнгөн үйлдвэр, мал аж ахуй, газар тариалан, хүнсний үйлдвэр зэрэг олон салбарт аж ахуй нэгжүүд нэг нэгнээ дэмжин ажиллахыг зорьдог.

Дүүргийн таван цэцэрлэг дүүргийнхээ газар тариалан эрхлэгчдээс хүнснийхээ ногоог хангадаг болоод хоёр жил боллоо. 

Таны харж буйгаар жижиг, дунд үйлдвэрт өгсөн зээлийн үр өгөөж ямар байна вэ? Тавьсан зорилгодоо хүрч чадаж байна уу?

Үйлдвэрлэгчид нэг үеэ бодвол хөл дээрээ боссон. Анхны зээлээ төлж дуусаад дараагийн шатны зээл авч байгаа, илүү том тоног суурилуулж үйлдвэрлэлээ өргөжүүлж байгаа, шинэ ажлын байрыг бий болгож буй үйлдвэрлэгчид бий.

Танай төв санхүүгээр дэмжихээс гадна үйлдвэрлэгчдээ хөгжүүлэх ямар бодлого барьж байна вэ?

Үйлдвэрлэгчдээ зөв хандлага төлөвшүүлэхийг зорьдог. Сургалт явуулахдаа их зээл авах нь гол биш, жаахан ч гэсэн хуримтлал үүсгэх нь чухал гэдэг хандлагыг ойлгуулахыг хичээдэг.