Батцогт.Д Бурмаа.Р 2015.09.25 | Телевиз: МОНГОЛ TV

Мах, махан бүтээгдэхүүн экспортлох гэрээ хэлэлцэээр хийгдэж эхэллээ

Экспортын зориулалтаар мах бэлтгэх боломжтой

Өвсний шим тэжээлийг идэж бэлчээрээр малладаг манай улсын малын мах бусад улс орнуудад эрэлттэй гэж хэлж болно.

Тиймээс мах, махан бүтээгдэхүүн экспортлох гэрээ хэлэлцэээр хийгдэж эхэллээ. Манай улсын төвийн бүсэд 12 үйлдвэр, зүүн бүсэд хоёр үйлдвэр, баруун бүсэд дөрвөн үйлдвэр мах махан бүтээгдэхүүн үйлдвэрлэж байгаа. Өнөөдрийн байдлаар ОХУ руу дөрвөн компани, БНХАУ руу зургаан  компани мах махан бүтээгдэхүүн экспортлохоор шаардлага нөхцөлийг ханган эхний байдлаар БНХАУ-ын шинжээчид ирээд байна.

Салбарын сайдын мэдээллээр хонины нэг кл махыг дөрвөн доллараар, адууны нэг кл махыг 2,5 доллараар, ямааны махыг гурван доллар, харин үхрийн махыг 4,5 доллараар үнэлж экспортлохоор төлөвлөж байна.

УИХ-ын гишүүн Д.Батцогт:

- Өвчин их гардаг гэсэн ганц шалтгаанаар л бид махаа экспортолж чадахгүй байсан. Гэхдээ Монгол улс өргөн удам нутагтай. Нэг хэсэг газар гарсан өвчнийг бүхэлд нь Монгол улсад халдааж болохгүй гэдгийг ярьсаар байгаа.

УИХ-ын гишүүн, Хүнс, Хөдөө Аж Ахуйн Сайд Р.Бурмаа:

- Баруун бүсээс 1,7 сая мал буюу 30,3 мянган тонн, Хангайн бүсээс 2 сая орчим 50-иад мянган тонн мах бэлтгэх боломжтой. Төвийн бүсээс 30-иад мянган тонн мах, Зүүн бүсээс 20 орчим мянган тонн гэсэн багцаатай экспортын зориулалтаар мах бэлтгэх боломж харагдаж байгаа. 

      Бүрэн эхээр нь бичлэгээс ....