Бидний ирээдүй болсон үр хойчид боловсрол олгох үйл хэрэгт эрдэм мэдлэг, авъяас чадвар, ур ухаан, бүхий л амьдралаа харамгүй зориулсан ахмадууд, бие сэтгэл, эрдэм оюунаа зориулан хүчин зүтгэж яваа эрдэмтэн, багш нар, боловсролын салбарын ажилтан, албан хаагчид Та бүхэндээ Монголын багш нарын баярын өдрийн мэнд дэвшүүлье.

Дүүргийнхээ ард иргэд, хүүхэд багачуудыг боловсролтой, үндэсний ёс, заншлаа дээдэлж, эх орноороо бахархдаг, иргэншин төлөвшсөн, шинэ үеийн хариуцлагатай иргэн болгон төлөвшүүлэх нэн хариуцлагатай бөгөөд эрхэм үүргийг ардын багш та бүхэн маань үүрч байдаг билээ. 

Хагас зуун жилийн түүхтэй дүүргийнхээ хойч үеийг халамжлан хүмүүжүүлэгч багш нарынхаа болон боловсролын салбарт ажиллагсадын нийгмийн баталгааг сайжруулах, боловсролын салбарын шинэчлэлийн бодлогыг бодитоор хэрэгжүүлэх үйлсэд цаашид бид хоёргүй сэтгэлээр хамтран зүтгэхдээ таатай байх болно.

Нарт хорвоод эгнэшгүй нандин сайхан мэргэжлийг эзэмшсэн БАГШ танд Баянзүрх дүүргийн Иргэдийн Төлөөлөгчдийн Хурлын нэрийн өмнөөс болон өөрийн зүгээс чин сэтгэлийн халуун мэндчилгээг өргөн дэвшүүлье.

Эрхэм баян-Эрдэм ном дэлгэртүгэй.

Баянзүрх дүүргийн ИТХ-ын дарга Ц.Батхүү