НИТХ-ын дарга Д.Баттулга
2015.10.28

Өнгөрсөн гурван жил хотод хийсэн ажил олон түмний өмнө ил харагдаж байгаа

“Ам нээвэл” зочны ярилцлага нэвтрүүлэг энэ удаагийн зочноор НИТХ-ын дарга Д.Баттулгатай уулзаад байна.

Сүүлийн үед танай хотын захиргааг тойрсон янз бүрийн хэл ам тасрахгүй байна. Хамгийн сүүлд хотын даргыг огцоруулах асуудлаар бичиг өгөх гэсэн та шаардлага хангахгүй гээд бичгийг аваагүй. Ер нь та Хотын даргаа цээжээрээ хамгаалаад байна уу?

-Хотыг тойрсон хэл ам гэж томьёоллуулмааргүй байна. Энэ сонгууль дөхөж байна. Хотод өнгөрсөн гурван жилийн хугацаанд хийсэн ажил олон түмний өмнө ил харагдаж байгаа. Тэгэхээр улс төрийн сөрөг хүчин хийсэн ажлыг яаж баллуурдах уу, хотын удирдлагыг нийслэлийн өмнө муухай харагдуулах вэ гэдэг дээр шатаж байна.

Тэр ч утгаараа Э.Бат-үүл даргыг огцоруулах асуудлыг өргөн барьсан. Яг өгөх үед нь бичгийг нь хүлээн авсан. Тэгээд холбогдох хуулийн дагуу судлахад хуульд засаг дарыг огцоруулах асуудлыг нийт төлөөлөгчдийн гуравны нэгээс доошгүй байж өргөн барина гэж заадаг.

Өргөн барьсан бичиг нь хуульд нийцэхгүй байна гэдгийг хэлсэн. Тиймээс хэлэлцэх боломжгүй гэж хариу хэлсэн. Огцоруулахгүй гэж яриагүй. Асуудлаа хуулийн дагуу оруулаад ирвэл хуулийн дагуу 14 хоногийн дотор хэлэлцүүлэх үүргээ биелүүлнэ гэсэн хариу өгсөн.

Та нийслэлийн парламентийг тэргүүлж байгаа, нөгөө талаасаа ардчилсан намыг төлөөлж байгаа. Тэгэхээр магадгүй ашиг сонирхлын асуудлаар намын гишүүнээ хамгаалаад байгаа юм биш биз?

-Яг ажлаа хийгээд хуулийн дагуу яваа хүнийг өмөөрхөөс өөр арга байхгүй. Хууль зөрчсөн тохиолдолд хуулийн дагуу авах ёстой арга хэмжээгээ авах л ёстой. Тэр утгаар нь ажиллаж байна.

Улсын төсөв мөнгөгүй гээд л маргаад байгаа. Тэгсэн Богд хан уулыг тахих ёслолд 12 сая төгрөгөөр нисдэг тэрэг хөлсөлсөн сураг байсан. Та тэр нисдэг тэрэгт явсан уу?

-Түрүүний юм л явж байна. Баттулга байна уу, Бат-үүл байна уу муулж л байвал юу ч хамаагүй ярьж болдог болж. Яг Богд хан уулыг тахих ёслолд би явган явсан. Өглөө 7-с явган алхаад 9 цагт очсон.

Бүрэн эхээр нь бичлэгээс ....

/2-р хэсэг/

/3-р хэсэг/