УИХ-ын гишүүн Х.Баттулга, Л.Эрдэнэчимэг нар мэдээлэл хийлээ. Тавантолгойн ордтой холбоотой УИХ-ын 40 гишүүн гарын үсэг зурсан төслийг Засгийн газарт өнөөдөр өргөн барьсан байна.

Улс орон, ард түмний эрх ашигт нийцсэн төсөл боловсруулан өргөн барьж байгаагаа гишүүд мэдээлэв.

/Монгол тв/

Мэдээллийн үеэр УИХ-ын гишүүн Х.Баттулга:

-ЗТЯ-ны Төрийн нарийн бичгийн дарга байсан Б.Батзаяаг цагдан хорьсон байна. “Тавантолгой”-н ордтой холбоотой зохион байгуулалттай ийм асуудал цаашдаа ч хөвөрч гарах байх гэсэн бодолтой байна. 2010 оны зургадугаар сарын 24-нд УИХ-аас Төмөр замын талаар төрөөс баримтлах бодлого батлагдсанаас хойш үүдсэн асуудал. Улстөрчдийн эсрэг тэсрэг байр сууринаас үүдэн цаашдаа ч зохион байгуулалтайгаар хөвөрч гарна байх.

Урагшаа нарийн царигаар баялаг зөөх бүлэглэлийн эсэргүүцэлтэй тулсаар ирсэн гэсэн юм. Тэрбээр мэдээлэл хийснийхээ дараа сэтгүүлчдийн асуултад хариуллаа.

-Чингис бондын хөрөнгөөр хэрэгжүүлсэн төмөр замын төсөлтэй холбогдуулан баривчилсан юм биш үү?

-Тэр нь ЗТ-ийн сайд А.Гансүхийн үед хийгдсэн ажил. УИХ-ын шийдвэр, Засгийн газрын тогтоол гарч төмөр зам барь гэсэн. Тогтоолын дагуу ажил хийсэн. Энэ бол баялагтай холбоотой асуудал. Баялгийг хэн барьж, эрх мэдэлд удаан суухтай холбоотой л хэлэлцэгдэж байгаа асуудал. А.Гансүх бол хуульч хүн, Б.Батзаяа бол зарчимч хүн. Тийм болохоор хууль зөрчсөн зүйл хийгдээгүй байх гэж бодож байна. Миний хувьд мөрдөн байцаалтын үед хэлээд байх зүйлгүй. Элдэв юм яривал нөгөө хүмүүсээ хорлочих байх.

Зохион байгуулалтай асуудал цаашдаа ч хөврөх байх